قازاقستان • 28 مامىر، 2022

كاسپي تەڭىزى بويىنشا جوعارى دەڭگەيدەگى جۇمىس توبىنىڭ وتىرىسى ءوتتى

22 رەت كورسەتىلدى

23-24 مامىردا تەگەراندا كاسپي تەڭىزى ماسەلەلەرى جونىندەگى جوعارى دەڭگەيدەگى جۇمىس توبىنىڭ ءتورتىنشى وتىرىسى ءوتتى. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى ءمالىم ەتتى، دەپ حابارلايدى Egemen.kz.

 

كەلىسسوزدەرگە قازاقستان رەسپۋبليكاسىنىڭ (باسشىسى – ز.ا.امانجولوۆا)، ازەربايجان رەسپۋبليكاسىنىڭ (باسشىسى – ح.ا.حالافوۆ)، رەسەي فەدەراتسياسىنىڭ (باسشىسى – م.ي.پەتراكوۆ) جانە تۇرىكمەنستاننىڭ (باسشىسى – م.گ.اتادجانوۆ) دەلەگاتسيالارى قاتىستى. وتىرىستا يران يسلام رەسپۋبليكاسى دەلەگاتسياسىنىڭ باسشىسى م. باريماني توراعالىق ەتتى.

«وتىرىستىڭ كۇن تارتىبىنە سايكەس كاسپي تەڭىزىندە تىكەلەي باستاپقى سىزىقتاردى بەلگىلەۋ ادىستەمەسى تۋرالى كەلىسىم جوباسى تالقىلاندى. بۇل قۇجاتتى كەلىسۋ ودان ءارى جالعاساتىن بولادى. تاراپتار تۇرىكمەنستاندا ءوتۋى جوسپارلانعان التىنشى كاسپي سامميتىنە دايىندالۋعا قاتىستى ماسەلەلەردى قاراستىردى، سونداي-اق كاسپي تەڭىزىندەگى ىنتىماقتاستىقتىڭ ءتۇرلى باعىتتارى بويىنشا پىكىر الماستى. دەلەگاتسيالار وتكەن كەلىسسوزدەرگە وڭ باعا بەرىپ، وتىرىستى جوعارى دەڭگەيدە ۇيىمداستىرعانى ءۇشىن يران يسلام رەسپۋبليكاسىنا ريزاشىلىقتارىن ءبىلدىردى»، دەلىنگەن حابارلامادا.

قر ءسىم مالىمەتىنشە، كاسپي تەڭىزى ماسەلەلەرى جونىندەگى جوعارى دەڭگەيدەگى جۇمىس توبىنىڭ كەلەسى وتىرىسى تۇرىكمەنستاندا وتەدى. ونىڭ داتاسى ديپلوماتيالىق ارنالار ارقىلى كەلىسىلەتىن بولادى.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار