سەناتور جۇمىس ساپارى بارىسىندا پرەزيدەنتتىڭ كونستيتۋتسيالىق رەفورمالارىن تالقىلاۋعا جانە اعىمداعى جىلدىڭ 5 ماۋسىمىندا وتەتىن رەسپۋبليكالىق رەفەرەندۋمنىڭ ماڭىزىنا ەرەكشە نازار اۋداردى.
«كونستيتۋتسيانى بۇكىلحالىقتىق رەفەرەندۋم ارقىلى وزگەرتۋ – ول پرەزيدەنتتىڭ حالىققا جانە ونىڭ ەرىك-جىگەرىنە دەگەن سەنىمىنىڭ ايقىن كورىنىسى. رەفەرەندۋم ءاربىر ازاماتقا ەل تاعدىرىن شەشۋگە قاتىسۋعا مۇمكىندىك بەرەدى جانە جان-جاقتى دەموكراتيالاندىرۋ مەن جاڭا قازاقستاندى قۇرۋ جونىندەگى باعىتىمىزدى نىعايتادى. جاڭا قازاقستان – بۇل ۇنەمى وزگەرىپ وتىراتىن الەمدە ءبىزدىڭ جالپىۇلتتىق ەرەكشەلىگىمىزدى نىعايتۋدىڭ جولى», دەپ اتاپ ءوتتى ولگا پەرەپەچينا.
كەزدەسۋدە سونداي-اق كونستيتۋتسياعا ەنگىزىلەتىن تۇزەتۋلەر جانە ولاردىڭ قازاقستاندىقتاردىڭ ومىرىنە قالاي اسەر ەتەتىنى ەگجەي-تەگجەيلى تالقىلاندى. كەزدەسۋگە اۋىل تۇرعىندارى, مەملەكەتتىك قىزمەتكەرلەر, جشس ەڭبەك ۇجىمدارى مەن شارۋا قوجالىقتارى قاتىستى. سونىمەن قاتار, تۇرعىنداردى سۋمەن قامتاماسىز ەتۋ, كەنتىشىلىك جولداردى جوندەۋ, ۇيالى بايلانىس پەن ينتەرنەتتىڭ بولماۋى سياقتى وزەكتى ماسەلەلەر دە كوتەرىلدى.
