اۋا رايى • 28 مامىر، 2022

سەنبىگە ارنالعان اۋا رايى بولجامى

«قازگيدرومەت» رمك-سى مامىردىڭ 28-ءى كۇنگى كۇن رايى بولجامىن جاريالادى، دەپ حابارلايدى Egemen.kz.

كاسىپورىن تاراتقان دەرەكتەرگە قاراعاندا، قازاقستان اۋماعى بويىنشا فرونتالدى بولىكتەردىڭ وتۋىنە بايلانىستى كۇن قۇبىلمالى بولادى، جاڭبىر جاۋىپ، تاۋلى ايماقتاردا نوسەر جاۋىن جاۋادى، نايزاعاي ويناپ، جەل كۇشەيەدى، بۇرشاق جاۋى ىقتيمال.

تەك ەلىمىزدىڭ وڭتۇستىك-باتىسىندا عانا جوعارى قىسىم ءورىسىنىڭ اسەرىنەن كۇن جاۋىن-شاشىنسىز بولادى. جامبىل وبلىسىنىڭ وڭتۇستىگىندە، باتىسىندا، سولتۇستىگىندە، تاۋلى اۋداندارىندا نايزاعاي ويناپ، بۇرشاق جاۋادى، داۋىل تۇرادى، وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا جەل سەكۋندىنا 15-20 مەتر جىدامدىقپەن سوعادى، تۇندە جانە تاڭەرتەڭ ەكپىنى 23-28 م/س-كە دەيىن كۇشەيەدى.

تۇركىستان وبلىسىنىڭ وڭتۇستىگىندە، تاۋلى اۋداندارىندا جانە تاۋ بوكتەرىندە نايزاعاي ويناپ، بۇرشاق جاۋادى، داۋىل تۇرادى، سولتۇستىكتە، باتىستا، وڭتۇستىكتە جانە تاۋلى اۋدانداردا جەلدىڭ جىلدامدىعى سەكۋندىنا 15-25 مەترگە جەتەدى.

قىزىلوردا وبلىسىنىڭ ورتالىعىندا، شىعىسىندا جەل سەكۋندىنا 15-20 م/س-كە دەيىن كۇشەيەدى، تۇندە وبلىستىڭ شىعىسىندا نايزاعاي وينايدى. سولتۇستىك قازاقستان وبلىسىنىڭ شىعىسىندا، سولتۇستىگىندە، باتىسىندا جەل 15-20 م/س-كە دەيىن كۇشەيەدى، تۇندە جانە تاڭەرتەڭ وبلىستىڭ سولتۇستىك-باتىسىندا تۇمان ءتۇسىپ، كۇندىز وبلىستىڭ باتىسىندا نايزاعاي وينايدى.

قوستاناي وبلىسىنىڭ باتىسىندا تۇندە جانە تاڭەرتەڭ تۇمان تۇسەدى، كۇندىز باتىسىندا، سولتۇستىگىندە نايزاعاي وينايدى، جەل 15-20 م/س-كە دەيىن كۇشەيەدى. اتىراۋ، كۇندىز اقتوبە وبلىستارىنىڭ سولتۇستىگىندە، شىعىسىندا جەلدىڭ كۇشى سەكۋندىنا 15-20 مەترگە جەتەدى.

باتىس قازاقستان وبلىسىنىڭ سولتۇستىك-شىعىسىندا نايزاعاي ويناپ، بۇرشاق جاۋادى، وبلىستىڭ سولتۇستىك-باتىسىندا جەل 15-20 م/س جىلدامدىقپەن سوعادى.

الماتى وبلىسىنىڭ باتىسىندا، وڭتۇستىگىندە، شىعىسىندا، تاۋلى اۋداندارىندا جەلدىڭ جىلدامدىعى 17-22 م/س-كە، ەكپىنى 24-29 م/سكە جەتەدى، كۇندىز وڭتۇستىگىندە، تاۋلى اۋداندارىندا نايزاعاي ويناپ، بۇرشاق جاۋىپ، داۋىل تۇرادى. شىعىس قازاقستان وبلىسىنىڭ باتىسىندا نايزاعاي ويناپ، جەلدىڭ كۇشى سەكۋندىنا 15-20 مەترگە دەيىن جەتەدى.

اقمولا وبلىسىنىڭ شىعىسىندا نايزاعاي ويناپ، تۇندە شىعىسىندا، كۇندىز وبلىستىڭ باتىسىندا جەل 15-20 م/س جىلدامدىقپەن ەسەدى. قاراعاندى وبلىسىنىڭ ورتالىعىندا، سولتۇستىگىندە، شىعىسىندا نايزاعاي ويناپ، بۇرشاق جاۋادى، داۋىل تۇرىپ، جەلدىڭ جىلدامدىعى سەكۋندىنا 15-20 مەترگە جەتەدى، ەكپىنى 23-28 م/س بولادى.

كۇندىز پاۆلودار وبلىسىنىڭ وڭتۇستىگىندە نايزاعاي ويناپ، بۇرشاق جاۋادى، داۋىل تۇرادى، جەلدىڭ كۇشى سەكۋندىنا 15-20 مەترگە دەيىن كۇشەيەدى. سولتۇستىك قازاقستان، قوستاناي وبلىستارىنىڭ باتىسىندا توپىراق بەتىندە 2 گرادۋس ۇسىك جۇرەدى.

شىعىس قازاقستاننىڭ وبلىسىنىڭ جارما، قاتون-قاراعاي اۋداندارىندا، قىزىلوردا وبلىسىنىڭ ورتالىعىندا، پاۆلودار وبلىسىنىڭ وڭتۇستىگىندە توتەنشە ءورت قاۋپى ساقتالادى.