بولجامعا سايكەس, الداعى دەمالىس كۇندەرى قازاقستاننىڭ باسىم بولىگىندە اۋا رايى تۇراقسىز بولادى.
«28 مامىردا سولتۇستىكتە, ورتالىقتا, وڭتۇستىكتە, وڭتۇستىك-شىعىستا قاتتى جاڭبىر, داۋىل, بۇرشاق جاۋادى. تۇندە ەلىمىزدىڭ سولتۇستىگىندە, سولتۇستىك-باتىسىندا جانە ورتالىعىندا 2 گرادۋس ۇسىك ءجۇرۋى مۇمكىن», دەلىنگەن حابارلامادا.
باتىس ايماققا باتىس انتيتسيكلون اسەر ەتەدى, سوندىقتان جاۋىن-شاشىن جاۋمايدى. ەل اۋماعىندا جەل كۇشەيەدى.
«كەلەسى اپتانىڭ باسىندا رەسپۋبليكانىڭ باسىم بولىگىندە كۇندىزگى اۋا تەمپەراتۋراسى جوعارىلايدى: رەسپۋبليكانىڭ باتىسىندا, سولتۇستىك-باتىسىندا 25-30 گرادۋسقا دەيىن, وڭتۇستىگىندە 33 گرادۋسقا دەيىن, سولتۇستىگىندە 23-28 گرادۋسقا دەيىن, ورتالىعىندا 25-30 گرادۋسقا دەيىن بولادى», دەپ قورىتىندىلادى سينوپتيكتەر.
