پرەزيدەنت • 26 مامىر، 2022

قازاقستان ىسكەرلىك نەگىزدەگى ەۋرازيالىق ينتەگراتسيانى قولدايدى - توقاەۆ

31 رەت كورسەتىلدى

پرەزيدەنت قاسىم-جومارت توقاەۆ ەۋرازيالىق ەكونوميكالىق كوميسسيا فورۋمىنىڭ جالپى وتىرىسىندا وسىنداي ۇستانىم ءبىلدىردى، دەپ حابارلايدى Egemen.kz.

«ەۋرازيالىق ەكونوميكالىق كوميسسيا، مەنىڭشە، ايتارلىقتاي ءتيىمدى جۇمىس ىستەپ تۇر. بىراق ماسەلە باسقادا جانە ول پىكىرتالاسقا تۇرارلىق. ەۋرازيالىق ەكونوميكالىق كوميسسياعا قوسىمشا وكىلەتتەر ارتۋدىڭ قاجەتى بار ما؟ ءبىز قازاقستاندا بۇل ماسەلە بويىنشا العا جۇگىرمەي، بىرتىندەپ جۇمىس ىستەۋ كەرەك دەگەن ۇستانىمدى قولدايمىز. ءتۇپتىڭ تۇبىندە ەۋرازيالىق ەكونوميكالىق كوميسسيا ۇكىمەت ەمەس. بۇل – 2015 جىلى قول قويىلعان ءتيىستى جارعىمەن وكىلەتتەرى بەلگىلەنگەن اتقارۋشى ورگان»، دەدى پرەزيدەنت ەۋرازيالىق ەكونوميكالىق كوميسسيا فورۋمىنىڭ جالپى وتىرىسىندا.

مەملەكەت باسشىسى ينتەگراتسيا كەزىندە تۋىندايتىن كەيبىر ماسەلەلەردى دراماعا اينالدىرۋدىڭ قاجەتى جوق ەكەنىنە دە توقتالدى.

«مەنىڭشە، ينتەگراتسيا ۇدەرىسى كەزىندە تۋىندايتىن قانداي دا ءبىر قيىندىقتاردى دراماعا اينالدىرۋدىڭ قاجەتى جوق. بۇل قالىپتى پروتسەسس. قازاقستانعا كەلسەك، ىسكەرلىك نەگىزدەگى ەۋرازيالىق ينتەگراتسيانى قولدايمىز. ارينە، وداقتاعى بۇكىل ەلمەن پراگماتيكالىق نەگىزدە جۇمىس ىستەي بەرەمىز»، دەدى قاسىم-جومارت توقاەۆ.

ايتا كەتەيىك، پرەزيدەنت قاسىم-جومارت توقاەۆ قىرعىزستاندا رەسمي ساپارمەن ءجۇر.

 

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار