ەركىن كۇرەستەن 2-ورىن يەلەنگەن عابيت ەسجانوۆ پەن عاسىر تۇرعىنبايعا, دزيۋدودان 2-ورىن العان اننا كراموروۆاعا 2 بولمەلى پاتەردىڭ سەرتيفيكاتى تابىستالدى. ال, تاەكۆوندودان 3-ورىن يەلەنگەن ولجاس رىسجانوۆقا, گرەك-ريم كۇرەسىنەن 3-ورىن العان اسان نۇرجانعا, دزيۋدودان 3-ورىن العان فەريدە كارا وگلىعا 1 بولمەلى پاتەردىڭ سەرتيفيكاتتارى تاپسىرىلدى.
سونداي-اق دزيۋدو, گرەك-ريم, ەركىن كۇرەستەرىنەن جانە جەڭىل اتلەتيكا مەن جۇزۋدەن ءتۇرلى ورىنداردان كورىنگەن سپورتشىلار ايدوس تۇگەلباەۆ, ەۆەلينا ەگەمبەرديەۆا, ابزال دوسجانوۆ, شىڭعىسحان الديباەۆ, يانا سيبيرياكوۆا, رۋسلان رايمبەكوۆ, سوفيا زاكۋتناياعا ەستەلىك سىيلىقتار بەرىلدى. سونىمەن قاتار, جاتتىقتىرۋشىلار ەرنازار قونىسباەۆ (ەركىن كۇرەستەن), الەكساندر ان (تاەكۆوندو), رينات يسمايلوۆ (گرەك-ريم كۇرەسى), اسكار ۋسۋباليەۆكە ء(جۇزۋ) جانە سپورتشىلارعا العىس حاتتار مەن ارنايى سەرتيفيكاتتار تابىستالدى.
وبلىس اكىمى ەل نامىسىن قورعاپ, ناتيجەلى ونەر كورسەتكەن سپورتشىلاردى قۇتتىقتاپ, ريزاشىلىعىن جەتكىزدى. جاتتىقتىرۋشىلارىنىڭ دا زور ۇلەسىن ايرىقشا اتاپ ءوتتى. سونداي-اق وبلىستىڭ سپورت سالاسىندا اتقارىلىپ جاتقان جۇمىستار مەن وڭ كورسەتكىشتەرگە, بۇل باعىتتا مەملەكەت باسشىسىنىڭ تاپسىرماسىنا سايكەس اۋقىمدى قولداۋلار كورسەتىلىپ جاتقانىنا نازار اۋداردى.
ءوز كەزەگىندە جاتتىقتىرۋشىلار مەن سپورتشىلار ىقىلاس بىلدىرگەن وبلىس باسشىلىعىنا ريزاشىلىقتارىن ايتىپ, ارنايى جاتاقحانا, سپورت كەشەنىن سالۋ بويىنشا ۇسىنىستارىن العا تارتتى.
ايتا كەتسەك, ءXحىV جازعى سۋردليمپيادا ويىندارىندا قازاقستان ۇلتتىق قۇراماسىنىڭ 65 ويىنشىسى سپورتتىڭ 9 تۇرىنەن ەل نامىسىن قورعادى. جالپى مەدالدىك ەسەپتە 73 ەلدىڭ اراسىندا ۇلتتىق قۇراما 13-ورىنعا تۇراقتادى.
