سولتۇستىك قازاقستان وبلىسىنىڭ اكىمى قۇمار اقساقالوۆتىڭ قاتىسۋىمەن جالپى قۇنى 2 ملرد تەڭگەگە جۋىق كىرپىش زاۋىتى پايدالانۋعا بەرىلدى. جەرگىلىكتى اكىمشىلىك باسشىسى وڭىردە تۇرعىن ءۇي قۇرىلىسى بەلسەندى قارقىنمەن ءجۇرىپ جاتقانىن جانە ساپالى قۇرىلىس ماتەريالدارىنا دەگەن قاجەتتىلىك ءوسىپ كەلە جاتقانىن اتاپ ءوتتى.
«جالپى, 126 شارشى مەتر بولاتىن 9 قاباتتى ءۇيدىڭ قۇرىلىسى ءۇشىن 1,8 ملن دانا كىرپىش قاجەت. بۇل رەتتە پودگورنوە اۋىلىنداعى جاڭا زاۋىتتىڭ جىلدىق قۋاتتىلىعى 22 توعىز قاباتتى نەمەسە 2,7 مىڭ پاتەر سالۋعا مۇمكىندىك بەرەدى», دەدى قۇمار اقساقالوۆ.
«كىرپىش-سك» جشس وندىرىستىك قۋاتى تاۋلىگىنە شامامەن 150 مىڭ نەمەسە ايىنا 4,5 ملن كىرپىش شىعارۋعا جەتەدى.
«اۋىل تۇرعىندارى ءۇشىن 90 جاڭا جۇمىس ورنى اشىلادى. بۇل رەتتە, باستاپقى كەزەڭدە زاۋىت ءونىمى ءوڭىردىڭ وسى قۇرىلىس ماتەريالىنا قاجەتتىلىگىنىڭ 30% جابادى. ءۇش جىل بۇرىن كارەرگە جاقىن جەردەگى جەر ۋچاسكەسىندە زاۋىت قۇرىلىسىن باستاعان كەزدە, COVID-19 پاندەمياسى باستالىپ, قحر-دان قازاقستانعا جۇك تاسىمالداۋ كەزىندە قيىندىقتار تۋىندادى. جەرگىلىكتى اكىمشىلىك باسشىسىنىڭ, «سولتۇستىك» الەۋمەتتىك-كاسىپكەرلىك كورپوراتسيا جانە «KAZAKH INVEST» ۇك» اق قولداۋىنىڭ ارقاسىندا بارلىق پروبلەمالىق ماسەلەلەر جەدەل شەشىلدى», دەپ اتاپ ءوتتى «كيرپيچ-سك» جشس قۇرىلتايشىسى گاريك بەرنەتسيان.
سقو جەرگىلىكتى كاسىپكەرلەرگە ءوز بيزنەسىن دامىتۋ ءۇشىن بارلىق مۇمكىندىكتەردى جاساي وتىرىپ, يمپورتتى الماستىرۋ باعدارلاماسىن بەلسەندى قولدايدى.
انىقتامالىق:
قر ءسىم ينۆەستيتسيا كوميتەتىمەن جاسالعان ينۆەستيتسيالىق كەلىسىمشارت شەڭبەرىندە كاسىپورىن قىتايدان جابدىقتى يمپورتتاۋ كەزىندە قوسىلعان قۇن سالىعىنان جانە كەدەندىك باج سالىعىنان بوساتىلدى. سونداي-اق, ينۆەستور مەملەكەتتىك زاتتاي گرانتتى الدى, ول وعان كەيىننەن ينۆەستيتسيالىق كەلىسىمشارتقا سايكەس ينۆەستيتسيالىق مىندەتتەمەلەر ورىندالعان جاعدايدا مەنشىككە نە جەر پايدالانۋعا وتەۋسىز بەرە وتىرىپ, جەر ۋچاسكەسىن ۋاقىتشا وتەۋسىز پايدالانۋ قۇقىعىن بەرەدى.
