الماتى اكىمى ەربولات دوساەۆ مەدەۋ اۋدانىنىڭ جاڭا اكىمىن تانىستىرۋ كەزىندە ءورازاليننىڭ باسشىلىعىمەن كاسىپكەرلىك جانە ينۆەستيتسيالار باسقارماسى الماتىدا شاعىن جانە ورتا بيزنەستى قالپىنا كەلتىرۋ بويىنشا ۇلكەن جۇمىس اتقارعانىن اتاپ ءوتتى.
جالپى, زارداپ شەككەن كاسىپكەرلەردىڭ 97%-ى ءوز قىزمەتىن قالپىنا كەلتىردى. 20 مامىرعا 14 082 240 817 تەڭگەگە 1568 ءوتىنىم ماقۇلداندى.
«وسىناۋ قيىن-قىستاۋ كەزەڭدە ەركەبۇلان ورازالين ءوزىن جاۋاپتى جانە بىلىكتى مامان رەتىندە كورسەتە ءبىلدى, جوعارى ۇيىمداستىرۋشىلىق قابىلەتتەرى مەن ىسكەرلىك قاسيەتتەرىن كورسەتتى», دەدى الماتى اكىمى ەربولات دوساەۆ.
ەركەبۇلان ورازالين ءوزىنىڭ ەڭبەك جولىن 2002 جىلى الماتى قالاسى اقپاراتتىق-تالداۋ ورتالىعىنىڭ اقپاراتتىق-كوممۋنيكاتيۆتىك ءبولىمىنىڭ ساراپشىسى قىزمەتىنەن باستادى.
2005-2007 جىلدارى قازاقستان رەسپۋبليكاسى تۇڭعىش پرەزيدەنتى قورى جانىنداعى الەمدىك ەكونوميكا جانە ساياسات ينستيتۋتىنىڭ ساراپشىسى بولىپ جۇمىس ىستەدى.
2010-2012 جىلدارى الماتى قالاسىنىڭ وڭىرلىك دامۋ الەۋمەتتىك-كاسىپكەرلىك كورپوراتسياسىنىڭ ينۆەستيتسيالار جونىندەگى دەپارتامەنتىنىڭ ديرەكتورى بولدى.
2012 جىلدان 2016 جىلعا دەيىن الماتى قالاسى تابيعي رەسۋرستار جانە تابيعات پايدالانۋدى رەتتەۋ باسقارماسى باستىعىنىڭ ورىنباسارى, باسشىسى لاۋازىمىن اتقاردى.
2016-2019 جىلدارى الماتى قالاسى اۋەزوۆ اۋدانى اكىمىنىڭ ورىنباسارى, الەۋمەتتىك سالا جانە كاسىپكەرلىك ماسەلەلەرىنە جەتەكشىلىك ەتكەن.
2019 جىلدان باستاپ الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى قىزمەتىن اتقارعان.
