باعدارلاما ەرەجەسى ۇكىمەتتىڭ قاۋىلىسىمەن 15 ساۋىردە بەكىتىلدى. قازاقستان اۆتوبيزنەس قاۋىمداستىعىنىڭ ءباسپاسوز قىزمەتىنىڭ مالىمەتىنشە, 25 مامىرداعى تاڭعى جاعداي بويىنشا جەڭىلدەتىلگەن اۆتونەسيە الۋعا 16 224 ءوتىنىش قابىلدانعان. ونىڭ 5413-ءى بەكىتىلگەن.
قازاقستاندا جەڭىلدەتىلگەن اۆتونەسيە 2022 جىلدىڭ 16 مامىرىنان باستاپ ءوتىنىم قابىلداۋ باستالدى. ءتورت بانك يندۋستريالىق دامۋ قورىنان رۇقسات الدى. 19 مامىردان باستاپ جەڭىلدەتىلگەن اۆتونەسيە باعدارلاماسى بويىنشا ازاماتتار تاراپىنان تۇسكەن وتىنىمدەردى «ەۋرازيالىق بانك», «بانك تسەنتر كرەديت» جانە «Halyk Bank» قابىلداۋدا.
جانار يبراشەۆا ازاماتتاردىڭ وتىنىشتەرىنىڭ قورىتىندىسى بويىنشا ەكىنشى دەڭگەيلى بانكتەرگە تولەم جاساۋ ءۇشىن شوت-فاكتۋرانى ۇسىنۋ ءۇشىن اۆتوكولىكتىڭ VIN كودى بولۋى تالابى جويىلعانىن اتاپ ءوتتى.
مامىردىڭ 23-ءى كۇنى «يندۋستريالىق دامۋ قورى» اق باسقارما توراعاسىنىڭ ورىنباسارى جانار يبراشەۆا باعدارلاما باستالعالى بەرى جەڭىلدەتىلگەن اۆتونەسيە بويىنشا 34 اۆتوكولىك ساتىپ الىنعانىن ايتتى. باعدارلاما بويىنشا الىنعان اۆتوكولىك يەلەرى باعالى جىلجىمالى مۇلكىن نەسيەلەۋدىڭ بۇكىل مەرزىمى كەزەڭىندە بىرىڭعاي اۆانستىق تولەماقى ارقىلى ەمەس, جەڭىلدەتىلگەن نەسيەنى پايدالانعان ءاربىر جىلعا وراي ساقتاندىرا الادى.
گۇلدانا ەلۋباي
