«اۆياكومپانيالارعا اۋە تاسىمالى شەكتەلگەن ادامداردىڭ جەكە ءتىزىلىمىن جۇرگىزۋگە مۇمكىندىك بەرەتىن نورما ەنگىزىلەدى. الايدا ازاماتتار مۇنداي تىزىمگە تەك ۇشاق بورتىنداعى قۇقىقبۇزۋشىلىق ءۇشىن جانە ولاردى قىلمىستىق نەمەسە اكىمشىلىك جاۋاپكەرشىلىككە تارتۋ ناتيجەسىندە كىناسى دالەلدەنگەن جاعدايدا عانا ەنگىزىلەدى», دەدى ق. وسكەنباەۆ ءماجىلىس وتىرىسىندا.
ونىڭ ايتۋىنشا, حالىقارالىق تاجىريبەنى نازارعا الا وتىرىپ, زاڭ جوباسىندا ء«ادىل مادەنيەت» (Just Culture) ۇعىمىن ەنگىزۋ كوزدەلگەن. ونىڭ نەگىزگى قاعيداتى – ازاماتتىق اۆياتسيا سالاسىنداعى قاساقانا بۇزۋشىلىقتارعا نەمەسە نەمقۇرايلى مىنەز-ق ۇلىققا توزبەۋشىلىك.
«سونداي-اق زاڭ جوباسىندا جەر كودەكسىنە ونى اۆياتسيالىق زاڭنامامەن بايلانىستىرۋ ءۇشىن جانە ۇشۋ قاۋىپسىزدىگىنە قاتەر توندىرەتىن قىزمەتكە رۇقسات بەرمەۋ تۋرالى وزگەرىستەر ەنگىزۋ كوزدەلگەن. اۋەايلاقتان 15 كم راديۋستا فەرما, مال سويۋ الاڭدارىن جانە باسقا دا وبەكتىلەردى سالۋ, اۋىل شارۋاشىلىعى قىزمەتىن جۇزەگە اسىرۋ, ەگەر ولار قۇستاردىڭ جاپپاي جينالۋىنا جاعداي جاساماسا جانە ۇشۋ قاۋىپسىزدىگىنە قاۋىپ توندىرمەسە, مۇمكىن بولادى», دەپ ءتۇسىندىردى ق. وسكەنباەۆ.
ايتا كەتەيىك, ماجىلىستە «قر كەيبىر زاڭنامالىق اكتىلەرىنە كولىك ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.
زاڭ جوباسى قازاقستان رەسپۋبليكاسىنىڭ 4 كودەكسى جانە 16 زاڭىنا وزگەرتۋلەر مەن تولىقتىرۋلار ەنگىزۋدى كوزدەيدى.
