«كەلەسى جىلدان باستاپ «التىن بەلگى» ۇمىتكەرلەرىنە قويىلاتىن تالاپتار كۇشەيتىلەدى. بىرىنشىدەن, ورتا جالپى ءبىلىم بەرۋدىڭ باعدارلاماسىنا سايكەس 10, 11-سىنىپتاردا وقۋ كەزەڭىنە توقساندا, ءبىر جىلدا جانە قورىتىندىسىندا «5» دەگەن باعا بولۋى كەرەك. سوندىقتان كەلەسى جىلى 10-11-سىنىپتاردا تەك جىلدىق جانە قورىتىندى باعالار عانا ەمەس, توقساندىق باعا دا ەسەپكە الىنادى. ەكىنشىدەن, نازارباەۆ زياتكەرلىك مەكتەپتەرى بازاسىندا جالپى ورتا ءبىلىم بەرۋدى اياقتاعاننان كەيىن «الگەبرا» ءپانى بويىنشا قورىتىندى اتتەستاتتاۋدان ءوتۋ قاجەت», دەدى جومارت قارامباەۆ ونلاين بريفينگ بارىسىندا.
بايانداماشى قالعان ءتورت ءپاندى وزدەرى وقىعان مەكتەبىندە تاپسىراتىنىن جانە ءۇشىنشى تالاپ بويىنشا ۇمىتكەردىڭ نەگىزگى ءبىلىمى تۋرالى ۇزدىك اتتەستات بولۋى كەرەك ەكەنىن ايتتى.
ءبىلىم جانە عىلىم مينيسترلىگىنىڭ وكىلى «التىن بەلگىگە» قويىلار تالاپتىڭ كۇشەيۋى, ولاردىڭ سانىنىڭ ازايۋىنا اكەلەتىنىن جەتكىزىپ, ءبىلىم ساپاسى ماسەلەسى الدىڭعى قاتارعا قويىلاتىنىن باسىپ ايتتى.
سالتانات كەنجەباي
