قازاقستان • 24 مامىر، 2022

ەرلان قوشانوۆ رەفەرەندۋمدى قولداۋ ۇگىت-ناسيحات جۇمىستارىن كۇشەيتۋدى تاپسىردى

81 رەت كورسەتىلدى

بۇگىن AMANAT پارتياسىنىڭ توراعاسى ەرلان قوشانوۆ قر كونستيتۋتسياسىنا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋدى قولداۋ ماقساتىندا بەينەكونفەرەنتسيا بايلانىسى ارقىلى رەسپۋبليكالىق پارتيالىق شتابتىڭ كەزەكتى وتىرىسىن وتكىزدى، دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.

ۇگىت ناۋقانى باستالعاننان بەرى اماناتتىقتار 5 مىڭنان استام ءىس-شارا وتكىزدى. اتاپ ايتقاندا، ەڭبەك ۇجىمدارىمەن، ءبىلىم بەرۋ، دەنساۋلىق ساقتاۋ، مادەنيەت، اۋىل شارۋاشىلىعى جانە باسقا دا سالا وكىلدەرىمەن كەزدەسۋلەر ءوتتى. ونىڭ ىشىندە وڭىرلەردىڭ تۇرعىندارىمەن ءبىر مىڭعا جۋىق كەزدەسۋدى پارلامەنت ماجىلىسىندەگى پارتيا فراكتسياسىنىڭ مۇشەلەرى وتكىزدى.

جالپى، ۇگىت-ناسيحات ءىس-شارالارىنا 220 مىڭنان استام ادام قاتىستى.

«AMANAT پارتياسىنىڭ رەفەرەندۋم وتكىزۋدى قولداۋ ۇگىت ناۋقانى جالعاسىپ جاتىر. قارقىندى تومەندەتپەۋ كەرەك. وتكىزىلەتىن كەزدەسۋلەردىڭ سانىنا عانا ەمەس، ءبىرىنشى كەزەكتە ساپاسىنا دا نازار اۋدارعان ءجون. ءبىز كونستيتۋتسيالىق وزگەرىستەردىڭ ءمانىن تۇسىنىكتى، قاراپايىم تىلمەن جەتكىزۋىمىز قاجەت. ادامداردى ۋچاسكەلەرگە كەلىپ، ءوز داۋىسىن بەرۋگە ىنتالاندىرۋىمىز كەرەك»، دەدى پارتيا توراعاسى.

ەرلان قوشانوۆ اتاپ وتكەندەي، قازىرگى ۋاقىتتا 5 ماۋسىمدا وتەتىن رەفەرەندۋمدا ازاماتتاردى داۋىس بەرۋگە شاقىرۋ ءۇشىن بارلىق رەسۋرستى جۇمىلدىرۋ وتە ماڭىزدى.

جيىن سوڭىندا پارتيا توراعاسى ۇگىت-ناسيحات جۇمىستارىن جانداندىرۋعا قاتىستى بىرقاتار ناقتى تاپسىرما بەردى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار