ايماقتار • 23 مامىر، 2022

ونەرپاز ورەندەر ءتانتى ەتتى

26 رەت كورسەتىلدى

مەملەكەت باسشىسى قاسىم-جومارت توقاەۆ بيىلعى جىلدى «بالالار جىلى» دەپ جاريالا­عان بولاتىن. پرەزيدەنتتىڭ تاپسىرماسىنا سايكەس ەلىمىزدىڭ ءار وڭىرىندە يگىلىكتى ءىس-شارالار ۇيىم­داستىرىلىپ، وسكەلەڭ ۇرپاققا ءتيىستى قولداۋ كورسەتىلۋدە.

«بالالار جىلى» اياسىندا بايزاق اۋدانىنىڭ ورتالىعى سارىكەمەر اۋىلىن­داعى كەنەن ازىرباەۆ اتىنداعى بالالار ساز مەكتەبىندە «وتباسى كۇنىنە» وراي مەرەكەلىك كەش ءوتتى. اتالعان ونەر مەكەمەسىنىڭ ۇجىمى مەن شاكىرتتەرى كەش كورىگىن قىزدىرىپ، ونەر كورسەتتى.

كونتسەرتتىڭ اشىلۋ سالتاناتىندا اۋەلى ساز مەكتەبىنىڭ مۇعالىمدەرى مەن تۇلەكتەرىنەن قۇرالعان انسامبل سەيدوللا بايتەرەكوۆتىڭ «كىشكەنتاي» كۇيىن ورىندادى. ال ءداستۇرلى ءان سىنى­بىنىڭ ۇستازى گۇلناز الىمقۇلوۆا وقۋشىسى ەليزات انۋاربەكپەن بىرگە كوپشىلىككە قازاقتىڭ ءداستۇرلى اندەرى­نىڭ قورىنان پوپۋرري تارتۋ ەتتى. بۇدان كەيىن پيانيستەر «العاشقى كوكتەم» شىعارماسىن كوپشىلىك نازارىنا ۇسىن­دى. كەش بارىسىندا بەس بىردەي اسپاپتى شەبەر مەڭگەرگەن بالعىندار دا ساحنادا ونەر كورسەتىپ، كوپشىلىكتى ءتانتى ەتتى. كونتسەرت سوڭىندا الديار ءابدى­جاليل «ماقتانىشىم – وتانىم» ءانىن ناقىشىنا كەلتىرە شىرقاپ، كورەر­مەن­نىڭ ىقىلاسىنا بولەندى.

كەنەن ازىرباەۆ اتىنداعى اتالعان بالالار ساز مەكتەبى 1973 جىلى اشىل­عان. جارتى عاسىرعا جۋىق تاريحى بار ونەر شاڭىراعى سودان بەرى تالاي بەلەستى باعىندىرىپ كەلەدى. وسى ۋاقىت ارالىعىندا ءبىلىم وشاعىنان تۇلەپ ۇشقان ساز ونەرىنىڭ شەبەرلەرى بۇگىنگى تاڭدا كوپشىلىكتى تالانتىمەن ءتانتى ەتىپ كەلەدى. بىلىكتى مامانداردىڭ تاربيەسىن كورگەن بالالار رەسپۋبليكالىق جانە وبلىستىق ءتۇرلى بايقاۋدا توپ جارىپ ءجۇر.

 

جامبىل وبلىسى

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار