ايماقتار • 22 مامىر، 2022

قاراعاندى وبلىسىندا 100-دەن استام وتباسى باسپانامەن قامتىلماق

16 رەت كورسەتىلدى

قاراعاندى وبلىسىنىڭ وساكاروۆكا اۋىلىندا بيىل 18 پاتەرلى التى تۇرعىن ءۇي پايدالانۋعا بەرىلمەك. وڭىردە وسىلايشا 108 وتباسىن باسپانامەن قامتاماسىز ەتۋ جوسپارلانعان، دەپ حابارلايدى Egemen.kz.

بۇل ۇيلەردىڭ قۇرىلىسى 2020 جىلى باستالعان. قۇرىلىس ماتەريالدارىنىڭ قىمباتتاۋىنا بايلانىستى، ۇيلەردى سالۋ جۇمىستارىنىڭ جوبا-سمەتالىق قۇجاتتارى تۇزەتىلىپ، نىسانداردى ىسكە قوسۋ بيىلعى جىلعا شەگەرىلدى.

وساكاروۆ اۋدانىنىڭ اكىمى نۇركەن قوبجانوۆتىڭ ايتۋىنشا، بيىل سۇڭقار اۋىلىنداعى سۋ مۇناراسىن اۋىستىرىپ، پيونەرسكوە، وزەرنوە جانە ەرالى اۋىلدارىندا سۋ قۇبىرى جەلىلەرىنىڭ قۇرىلىسى سياقتى ءىرى جوبالاردى جۇزەگە اسىرۋ جوسپارلانىپ وتىر.

اۋداندا وساكاروۆكا جانە نيكولاەۆكا اۋىلدارىندا سۋ قۇبىرى جەلىلەرى قۇرىلىسىنىڭ جوباسى ازىرلەندى. بيىل تەلمانسكوە جانە كولحوزنوە اۋىلدارىنا سۋ قۇبىرى جەلىلەرىن تارتۋعا جسق ازىرلەنەدى.

اۋداننىڭ جىلۋمەن قامتۋ جۇيەلەرى دە ەرەكشە باقىلاۋدا. مولوديوجنىي جانە وساكاروۆكا ەلدى مەكەندەرىنە قازاندىق ساتىپ الۋ، سونداي-اق مولوديوجنىيداعى جىلۋ تراسساسىن جوندەۋ جوسپارلانىپ وتىر.

«اۋداننىڭ دامۋىندا دەنساۋلىق ساقتاۋ جۇيەسىنىڭ تابىستى جۇمىس ىستەۋى ماڭىزدى. وسى رەتتە بيىل وزەرنىي كەنتىندە فەلدشەرلىك-اكۋشەرلىك پۋنكت سالىنباق. «اۋىل – ەل بەسىگى» ارنايى جوباسى بويىنشا مولوديوجنىيداعى سپورت كەشەنىندە كۇردەلى جوندەۋ جۇمىستارى جالعاسۋدا. وساكاروۆكاداعى № 12 مەكتەپتى كۇردەلى جوندەۋدەن وتكىزۋ جانە ۋىزباي جانە سادوۆوە اۋىلدارىنداعى ەكى مەكتەپتىڭ جىلۋ قازاندىعىن الىپ تاستاۋ جوسپارلانۋدا»، دەدى اۋدان باسشىسى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار