ەلوردا • 21 مامىر، 2022

ەلوردادا جەڭىل اتلەتيكادان مارافون ۇيىمداستىرىلدى

56 رەت كورسەتىلدى

بۇگىن، 21 مامىر كۇنى قازاقستان رەسپۋبليكاسىنىڭ قارۋلى كۇشتەرىنىڭ 30 جىلدىعىنا وراي، «جاس سارباز جاسوسپىرىمدەر اسكەري-پاتريوتتىق قوزعالىسى» ەلوردامىزدىڭ جاسوسپىرىمدەرى اراسىندا جەڭىل اتلەتيكادان مارافون ۇيىمداستىردى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

مارافونعا نۇر-سۇلتان قالاسىنىڭ 300-گە جۋىق جاسوسپىرىمدەرى مەن جاستارى قاتىستى. ۇلدار اراسىندا 3 شاقىرىم، ال قىزدار اراسىندا 2 شاقىرىم قاشىقىتىققا جۇگىرۋدەن جارىس وتكىزىلدى. جۇزدەن جۇيرىك كەلگەن جەڭىمپازدار جاس سارباز قوزعالىسىنىڭ ارنايى اتريبۋتيكالارى مەن العىس حاتتارى جانە توسبەلگىلەرمەن ماراپاتتالدى.

اتالعان شاراعا نۇر-سۇلتان قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى جىلقىباەۆ سامات ءسابيت ۇلى، نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ باسشىسى قامباروۆ قايرات تەلمان ۇلى، «جاس سارباز» جاسوسپىرىمدەر اسكەري-پاتريوتتىق قوزعالىسى رقب مەندىگاليەۆ مەيربەك وراز ۇلى، «جاس سارباز» جاسوسپىرىمدەر اسكەري-پاتريوتتىق قوزعالىسى نۇر-سۇلتان قالالىق فيليالىنىڭ توراعاسى اسحات نالشىبەك قاتىستى.

«بۇگىنگى جاستار ەرتەڭگى ەل بولاشاعى دەمەكشى، جاستاردى سپورتقا باۋلۋ، ولاردىڭ دەنساۋلىعى جانە باسەكەگە قابىلەتتىلىگىن ارتتىرۋ-ءبىزدىڭ باستى ماقساتىمىز. شىنىقساڭ شىمىر بولاسىڭ دەيدى، جاستارىمىزدىڭ شىمىر بولۋى جارقىن بولاشاقتىڭ كەپىلى. ءبىز «وتان. اسكەر.جاس سارباز» جوباسى اياسىندا، نۇر-سۇلتان قالاسىنىڭ جاستار ساياساتى ماسەلەلرى باسقارماسىنىڭ قولداۋىمەن بىرقاتار ءىس-شارلاردى جوعارعى دەڭگەيدە اتاپ وتتىك، ايتا كەتەتىن بولسام، 3 كۇندىك دالا جيىنى، فۋتبول،ۆولەيبول، دويبى سپورت تۇرلەرىنەن سايىستار جانە دە حالىق قاھارمانى توقتار اۋباكىروۆپەن، ەلتاڭبامىزىدڭ اۆتورى جانداربەك مالىبەك ۇلىمەن كەزدەسۋلەر وتكەن بولاتىن. الداعى جوسپاردا دا كوپتەگەن ءىس-شارالار تۇر.

سول ءىس-شارالاردى جوعارى دەڭگەيدە اتاپ ءوتۋ ءۇشىن بارشا نۇر-سۇلتان قالاسىنىڭ جاس ساربازدارىن بىرگە اتقارۋعا شاقىرامىن»، دەدى «جاس سارباز» جاسوسپىرىمدەر اسكەري-پاتريوتتىق قوزعالىسى نۇر-سۇلتان قالالىق فيليالىنىڭ توراعاسى اسحات نالشىبەك.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار