ورتالىق رەفەرەندۋم كوميسسياسى «5 ماۋسىمعا تاعايىندالعان رەسپۋبليكالىق رەفەرەندۋمعا حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ تۋرالى» قاۋلى قابىلدادى.
سىرتقى ىستەر مينيسترلىگىنىڭ ۇسىنىسى بويىنشا اككرەديتتەۋگە 3 حالىقارالىق ۇيىمنان جانە 5 شەت مەملەكەتتەن 39 بايقاۋشى ۇسىنىلدى. ونىڭ ىشىندە: 6 بايقاۋشى تمد-دان بايقاۋشىلار ميسسياسىنىڭ قۇرامىندا; 5 بايقاۋشى – تۇركى مەملەكەتتەرى ۇيىمى بايقاۋشىلار ميسسياسىنان; 17 بايقاۋشى – تمد پاا-دان, سونداي-اق ازەربايجان, بەلارۋس, بولگاريا, گرۋزيا, مولدوۆا ەلدەرىنەن 11 بايقاۋشى اككرەديتتەلدى.
اككرەديتتەۋگە ۇسىنىستاردىڭ كەلىپ تۇسۋىنە قاراي بايقاۋشىلار جونىندەگى دەرەكتەر جاڭارتىلىپ وتىرادى.
حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ 2022 جىلعى 30 مامىر ساعات 18:00-گە دەيىن جالعاسادى.
