ەلوردا • 20 مامىر، 2022

ەلوردادا Ulttyq Onim كورمەسى اشىلدى

29 رەت كورسەتىلدى

ەلورداداعى تاۋەلسىزدىك سارايىندا قازاقستاندىق وندىرۋشىلەردىڭ جىل سايىنعى Ulttyq Onim كورمەسى اشىلدى، دەپ حابارلايدى Egemen.kz.

ءىس-شارانىڭ نەگىزگى ماقساتى - شاعىن جانە ورتا بيزنەس وكىلدەرىن قولداۋ جانە دامىتۋ. بيىلعى كورمەگە 350-دەن استام كومپانيا قاتىسۋعا نيەت ءبىلدىردى.

نۇر-سۇلتان قالاسىنىڭ تۇرعىندارى مەن قوناقتارىنىڭ نازارىنا ازىق-ت ۇلىك، قۇرىلىس، جيھاز جانە توقىما ونەركاسىبى، اۋىل شارۋاشىلىعى تاۋارلارى، سونداي-اق مامانداندىرىلعان تەحنيكا مەن جابدىقتار، كادەسىي جانە پوليگرافيالىق ونىمدەر ۇسىنىلعان.

كورمەگە قاتىسۋشىلاردىڭ اراسىندا جەكە گيگەنا تاۋارلارىن، پلاستيكتەن جاسالعان بۇيىمداردى، مەتاللوپلاستيكانى ءوندىرۋشى «رادۋگا» جشس، پوليەتيلەن قۇبىرلارىن ءوندىرۋشى «KazPolimerPlast» جشس، اككۋمۋلياتور باتارەيالارىن ءوندىرۋشى «قاينار – اكب» جشس، مامانداندىرىلعان اياق كيىم ءوندىرۋشىسى «قاراعاندى اياق كيىم فابريكاسى» جشس، كىلەم جانە كىلەم بۇيىمدارىن ءوندىرۋشى «بال تەكستيل» جشس جانە تاعى باسقا كاسىپورىندار بار.

ر

وسىمەن التىنشى رەت وتكىزىلىپ جاتقان كورمە ەل ازاماتتارىنىڭ قىزىعۋشىلىعىن تۋدىرىپ قانا قويماي،  وتاندىق تاۋار وندىرۋشىلەردىڭ ءوز ونىمدەرىن كورسەتىپ، تاجىريبە جيناقتاپ، تابىسقا جەتۋ جولىمەن ءبولىسۋ الاڭىنا اينالدى. سونداي-اق اتالعان ءىس-شارا كومپانيالار اراسىنداعى ەكونوميكالىق كووپەراتسيانى كەڭەيتۋگە جانە وندىرىستىك جاڭا تەحنولوگيالاردى ەنگىزۋگە مۇمكىندىك بەرەدى.

ايتا كەتسەك، ءىس-شارا بارىسىندا ءداستۇرلى تۇردە «حالىق تاڭداۋى» اتتى تاعامداردىڭ ءدامىن تاتۋ بايقاۋى وتەدى. سونىمەن قاتار جەتەكشى قازاقستاندىق وندىرۋشىلەردىڭ ايەلدەر مەن ەرلەر كيىمدەرىنىڭ كوللەكتسياسى كورسەتىلەدى.

وتاندىق ونىمدەرمەن تانىسۋعا نيەتتەنگەن بارشا جاندار كورمەگە 22 مامىرعا دەيىن بارا الادى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار