قوعام • 20 مامىر، 2022

مەملەكەتتىك ساتىپ الۋدى راسىمدەۋ ۋاقىتى قىسقارادى

78 رەت كورسەتىلدى

بيىل 1 شىلدەدەن باستاپ مەملەكەتتىك ساتىپ الۋ سالاسىندا جاڭا ءتاسىل ىسكە قوسىلادى. بۇل تۋرالى قر قارجى ۆيتسە-ءمينيسترى داۋرەن كەڭبەيىل ءمالىم ەتتى، دەپ حابارلايدى Egemen.kz.

«ساتىپ الۋدى ۋاقتىلى وتكىزۋ ماقساتىندا ونىڭ الدىن الا جوسپارىن قۇرۋ جاعى قارالىپ جاتىر. بيىل بيۋدجەتتىك كوميسسيا ماقۇلداعان ءوتىنىم نەگىزىندە ساتىپ الۋلار وتكىزۋگە جانە بيۋدجەتتىڭ بەكىتىلۋىن كۇتپەي-اق كەلەسى جىلعا شارتتار جاساسۋعا مۇمكىندىك بەرەدى. سونداي-اق كونكۋرس وتكىزۋ تۋرالى حابارلاندىرۋدى الدىن الا جاريالاۋ مۇمكىندىگى قاراستىرىلۋدا. اتالعان شارا وتىنىمدەردى قابىلداۋ مەرزىمىن 15 كۇننەن 7 كۇنگە دەيىن قىسقارتادى. مەملەكەتتىك ساتىپ الۋ ءراسىمىن جەڭىلدەتە ءتۇسۋ ماقساتىندا بيىل 1 شىلدەدەن باستاپ نەگىزدەمەلىك كەلىسىمدەردى پايدالانا وتىرىپ، كونكۋرس ارقىلى ساتىپ الۋدىڭ جاڭا ءتاسىلى ەنگىزىلەدى. بۇل ساتىپ الۋ راسىمدەرىن 30 كۇنگە دەيىن قىسقارتۋعا مۇمكىندىك بەرەدى»، دەدى داۋرەن كەڭبەيىل وكق-دە وتكەن بريفينگتە.

ونىڭ ايتۋىنشا، قازىر اتالعان پروتسەستىڭ ورتاشا ۇزاقتىعى 2 اي.

«مەملەكەتتىك ساتىپ الۋدىڭ جاڭا ءتاسىل كەڭسە تاۋارلارى، جانار-جاعارماي، بايلانىس قىزمەتتەرى، ستاندارتتى (تيپتىك) تاۋارلاردى ساتىپ الۋ بويىنشا پايدالانىلادى. بۇل جەردە كەلىسىم جاسالماس بۇرىن بەلگىلەنگەن تالاپتارعا سايكەس كەلەتىن الەۋەتتى مەكەمەلەرگە ەرەكشە ءمان بەرىلەدى. ياعني نارىقتا ءوزىن جاقسى جاعىنان كورسەتكەن كومپانيالار سۇرانىس يە بولادى دەگەن ءسوز. ەكىنشى كەزەڭدە تاپسىرىس بەرۋشىلەر مۇنداي ءونىم بەرۋشىلەرگە تاۋارلاردى، جۇمىستاردى، كورسەتىلەتىن قىزمەتتەردى ساتىپ الۋعا وتىنىمدەر جىبەرەدى. شارت ەڭ جاقسى ۇسىنىس جاساعان جەتكىزۋشى كومپانيالارمەن جاسالادى»، دەيدى ول.

 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار