اتاپ ايتقاندا, مينيستر ەلىمىزدىڭ ەكولوگيالىق احۋالىن جاقسارتۋ ءۇشىن قابىلدانىپ جاتقان شارالار تۋرالى باياندادى. ونىڭ ايتۋىنشا, جاڭا ەكولوگيالىق كودەكستىڭ نورمالارىنا سايكەس 83 ءىرى كومپانياعا تەحنولوگيالىق اۋديت جۇرگىزىلگەن. بۇل ولاردىڭ 2025 جىلعا دەيىن جاڭا تەحنولوگياعا كوشۋگە دايىندىعىن باعالاۋعا مۇمكىندىك بەردى.
قاسىم-جومارت توقاەۆقا «جاسىل قازاقستان» ۇلتتىق جوباسى مەن ەكولوگيالىق پروبلەمالاردى شەشۋگە باعىتتالعان وڭىرلىك جول كارتالارىنىڭ جۇزەگە اسىرىلۋ بارىسى تانىستىرىلدى.
سونىمەن قاتار مەملەكەت باسشىسىنا گەولوگيالىق سالانىڭ جاعدايى مەن ۇلتتىق گەولوگيالىق قىزمەتتى قۇرۋ جۇمىستارى تۋرالى باياندالدى.
بۇدان بولەك پرەزيدەنتكە سۋ شارۋاشىلىعى ينفراقۇرىلىمىنىڭ احۋالى, ۆەگەتاتسيالىق كەزەڭدى وتكىزۋ, جاڭا سۋ كودەكسى, سونداي-اق ورمان شارۋاشىلىعى مەن جانۋارلار الەمىنىڭ جاي-كۇيى جونىندە اقپارات بەرىلدى.
كەزدەسۋ سوڭىندا مەملەكەت باسشىسى مينيسترلىككە ەكولوگيالىق ماسەلەلەردى شەشۋ, سۋ شارۋاشىلىعى ينفراقۇرىلىمىن جاقسارتۋ جانە گەولوگيالىق سالانى دامىتۋ جونىندە بىرقاتار ناقتى مىندەت جۇكتەدى.
