بيىل وبلىستا ءارتۇرلى جانۋارلاردىڭ تىستەۋى, تىرناۋى, سىلەكەيىنەن زارداپ شەككەن 349 ادام مەديتسينالىق كومەككە جۇگىنگەن.
«جاراقات العانداردىڭ 31,2%-ى - 14 جاسقا دەيىنگى بالالار. مۇنداي وقيعالار نەگىزىنەن جاڭاقورعان اۋدانى مەن قىزىلوردا قالاسىندا تىركەلگەن. جاراقات العانداردىڭ 306 جاعدايى (87,6 %) يتكە قاتىستى بولىپ وتىر. قالعانى - مىسىق, جىلقى, ءمۇيىزدى ءىرى قارادان العان جاراقاتتار», دەدى قىزىلوردا وبلىسى سانيتارلىق ەپيدەميولوگيالىق باقىلاۋ دەپارتامەنتىنىڭ ءباسپاسوز حاتشىسى ايمان جاناحاەۆا.
ۆەدومستۆونىڭ مالىمەتىنشە, العاشقى توقساندا وبلىس تۇرعىندارى مەن جانۋارلار اراسىندا جەرگىلىكتى اسا قاۋىپتى قۇتىرما اۋرۋى تىركەلگەن جوق.
