رەفەرەندۋم-2022 • 20 مامىر، 2022

حالىق تىلەگىنەن تۋعان باستاما

42 رەت كورسەتىلدى

مەملەكەت باسشىسى قازاقستان حالقىنا ارناعان بيىلعى جولداۋىندا ساياسي جاڭعىرۋدىڭ اۋقىمدى باعدارلاماسى تۋرالى ايتتى. بۇل باعدارلاما قالىڭ كوپشىلىك تاراپىنان قولداۋ تاۋىپ وتىر.

جاڭارعان قازاقستاندا پرەزي­دەنت ايتقانداي، ساياسي جۇيە تۇبەگەيلى وزگەرۋگە ءتيىس. بۇل – قازاقستان جۇرتشىلىعىنىڭ تالاپ-تىلەگىنەن تۋىپ وتىرعانى اقيقات. ال ونى جۇزەگە اسىرۋ ءۇشىن ەلىمىزدىڭ كونستيتۋتسياسى، ياعني اتا زاڭىمىزعا ەلەۋلى وزگە­رىس­تەر ەنگىزىلۋى – زامان تالابى.

قازاقستاندا كونستيتۋتسيا­لىق رەفورما جاساۋ ءۇشىن بىلىكتى زاڭگەرلەر مەن عالىمدار، ساياساتكەر ماماندار توبىنان قۇرالعان ساراپشىلار ىسكە كىرىستى. سونىڭ ناتيجەسىندە نەگىزگى زاڭى­مىزعا كوپتەگەن وزگەرىس ەنگىزىلەدى. وسىعان وراي ەلىمىزدە كونستيتۋتسيالىق رەفورما جۇزە­گە اسىپ، بۇكىلحالىقتىق رەفەرەندۋم وتكىزىلەتىن بولدى. ال وعان رەسپۋبيكا جۇرتشى­لىعى ءبىر كىسىدەي اتسالىسىپ، بەلسەن­دىلىك تانىتۋلارى ءتيىس.

پرەزيدەنت قاسىم-جومارت توقاەۆتىڭ كونستيتۋتسياعا وزگەرتۋ­لەر ەنگىزۋگە وراي رەفەرەندۋم وتكىزۋ تۋرالى ۇسى­نىسى اتا زاڭىمىزدىڭ جا­ڭاشا سيپاتقا يە بولاتىن­دىعىن كورسەتەدى. بۇل – ەلىمىز­دىڭ تاعدىرى ءۇشىن جاڭا قادام، ايرىق­شا مانگە يە. بۇل – دامۋ­دىڭ جاڭا ءارى تاريحي كەزەڭى. سون­دىقتان ەلىمىزدە ساناۋلى كۇن­دەردەن كەيىن وتەتىن بۇ­كىلحا­لىقتىق رەفەرەندۋمعا تۇگەل قاتى­سىپ، جاڭا جانە ادى­لەتتى قازاقستاندى قۇرۋعا بار­شا­­مىز اتسالىسايىق. بۇل حالقى­مىزدىڭ جارقىن بولاشاعى ءۇشىن كەرەك.

 

ساياسات بەيىسباي،

فيلوسوفيا، ساياساتتانۋ جانە ءدىنتانۋ ينستيتۋتىنىڭ باس ساراپشىسى

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار