دەپۋتات كەلتىرگەن مالىمەتتەر بويىنشا, 2019 جىلى باسەكەلەستىكتى قورعاۋ جانە دامىتۋ اگەنتتىگى قۇرىلىس نارىعىنداعى باسەكەلەستىكتىڭ جاي-كۇيىنە تالداۋ جاساعان. ناتيجەسىندە جوبالاۋ جونىندەگى ينجەنەرلىك جۇمىستار نارىعىندا جەكە بيزنەسپەن قاتار كۆازيمەملەكەتتىك سەكتوردىڭ كومپانيالارى دا جۇمىس ىستەيتىنى انىقتالدى.
«الايدا, اگەنتتىك ۇزاق ۋاقىت ارەكەتءسىز وتىردى جانە زاڭ ەرەجەلەرىنىڭ بۇزىلۋىنا قاتىستى شارالار قابىلدامادى. اگەنتتىك تەك باس پروكۋراتۋرانىڭ ارالاسۋىمەن عانا سوتقا جۇگىندى. سونىمەن قاتار مۇنداي ءىس-ارەكەتتەر اگەنتتىكتىڭ كومپانيانىڭ جارعىسىنا وزگەرىستەر ەنگىزۋگە وڭ قورىتىندى بەرۋىمەن عانا كەلىسىلمەيدى, بۇل ونىڭ جاڭا رەداكتسيادا بەكىتىلۋىنە نەگىز بولدى. وسىلايشا, مونوپولياعا قارسى ورگان الدىمەن ينستيتۋتتىڭ باسەكەگە قابىلەتتى قىزمەتتى جۇزەگە اسىرۋىنا رەسمي كەلىسىم بەرەءدى, سودان كەيىن ولاردى جارعىدان شىعارۋعا ماجبۇرلەۋ تۋرالى سوتقا تالاپ ارىز بەرءىپ وتىر», دەدى اندرەي لۋكين.
سەناتور وسىلايشا تاۋار نارىعىنداعى باسەكەلەستىكتىڭ جاي-كۇيىنە ساپاسىز تالداۋ جۇرگىزۋ, ەنگىزىلگەن نۇسقاۋلىققا باقىلاۋدىڭ بولماۋى, سوتقا تالاپ قويۋ كەزىندە اۋرە-سارساڭعا سالۋ, سوتقا دالەلدەرءدىڭ بەرىلمەۋى جانە دايەكسىز شەشىمدەر قابىلداۋ كومپانياعا باسەكەلەستىك قىزمەتتى جۇزەگە اسىرۋدى جالعاستىرۋعا مۇمكىندىك بەرگەنىن اتاپ ءوتتى.
«وسىعان بايلانىستى ۇكىمەتكە اتالعان فاكتىلەردى جويۋدى, باسەكەلەستىكتىڭ جاي-كۇيىنە تالداۋ جاساۋدى جانە بەرىلگەن نۇسقاۋلىقتاردىڭ ورىندالۋ ماسەلەلەرىن باقىلاۋعا الا وتىرىپ, جۇمىستى ۇيىمداستىرۋ تاسىلدەرىن قايتا قاراۋدى, نۇسقاۋلىق ورىندالماعان جاعدايدا نارىق سۋبەكتىسىن, مەملەكەتتىك ورگاندى, جەرگىلىكتى اتقارۋشى ورگاندى مونوپولياعا قارسى ورگاننىڭ نۇسقاۋىن ورىنداۋعا ماجبۇرلەۋ تۋرالى تالاپ-ارىزبەن سوتقا جۇگىنۋ تۋرالى ماسەلەنى دەرەۋ قاراۋدى ۇسىنامىز», دەدى سەناتور.
