بيىل ەلوردا تۇرعىندارىنىڭ اراسىندا Otbasy men jastardy qoldau qory دەپ اتالاتىن كورپوراتيۆتىك قورىنىڭ سالىمشىلارى ەڭ كوپ زارداپ شەككەن. الەۋمەتتىك جوبانىڭ اتىن جامىلىپ جۇمىس ىستەپ جۇرگەن پيراميدا ءوز سالىمشىلارىنا باسپانا الۋعا كومەكتەسۋدى ۋادە ەتىپ, 100-دەن استام ادامنان 1,6 ملرد تەڭگە جيناعان.
ءتارتىپ ساقشىلاردىڭ ايتۋىنشا, مۇنداي ۇيىمداردىڭ «تورىنا» كوبىنە حالىقتىڭ الەۋمەتتىك وسال توپتارى تۇسەدى.
«قارجى پيراميدالارىمەن كۇرەستە حالىقتىڭ قارجىلىق ساۋاتتىلىعىن ارتتىرۋعا ەرەكشە كوڭىل بولىنۋدە. كۇن سايىن 102 نومىرىنە 50-دەن 60-قا دەيىن شاعىم ءتۇسىپ, ونداعان قىلمىستىق ءىس قوزعالادى. ادامدار ميلليونداپ نەسيە الىپ, انىعىنا كوز جەتكىزبەي, باسقالاردىڭ قولىنا تاپسىرا سالادى», دەدى نۇر-سۇلتان قالالىق ءىىب كريمينالدىق پوليتسيا ءبولىمىنىڭ باستىعى تالعات بولەگەنوۆ.
جىل باسىنان بەرى پيراميدادان زارداپ شەككەندەر 47 ميلليون تەڭگەنى عانا قايتارا العان. ماماندار بۇل ماسەلەنى شەشۋ ءۇشىن حالىقتىڭ قارجىلىق ساۋاتتىلىعىن ارتتىرۋ قاجەت ەكەنىن اتاپ ءوتتى. بۇدان بولەك, پارلامەنت دەپۋتاتتارى قارجى پيراميدالارىن جارنامالاعانى ءۇشىن جاۋاپكەرشىلىك تۋرالى زاڭ جوباسىنا باستاماشى بولدى. قۇجات ماۋسىم ايىنىڭ سوڭىنا دەيىن قابىلدانۋى ءتيىس.
ايانا توعانبەك
