ۇكىمەت • 19 مامىر، 2022

قازاقستان-قىتاي اراسىندا راديواكتيۆتى قالدىقتاردى وتكىزبەۋگە قاتىستى زاڭ قابىلداندى

33 رەت كورسەتىلدى

پارلامەنت سەناتىنىڭ جالپى وتىرىسىندا «قازاقستان ۇكىمەتى مەن قىتاي ۇكىمەتى اراسىنداعى يادرولىق ماتەريالداردى، راديواكتيۆتى ماتەريالداردى، راديواكتيۆتى قالدىقتاردى جانە رادياتسيالىق-قاۋىپتى زاتتاردى زاڭسىز وتكىزۋدى بولعىزباۋداعى ءوزارا ءىس-قيمىل جونىندەگى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى Egemen.kz.

«اتالعان قۇجات يادرولىق، رادياتسيالىق قاۋىپتى زاتتاردى زاڭسىز وتكىزۋدى بولعىزباۋ ماقساتىندا كەدەندىك باقىلاۋ سالاسىنداعى تاراپتاردىڭ ىنتىماقتاستىعىن كەڭەيتۋگە جانە تەرەڭدەتۋگە مۇمكىندىك بەرەدى. اتاپ ايتقاندا زاماناۋي تەحنولوگيالاردى ەنگىزۋ ماسەلەلەرى بويىنشا ىنتىماقتاستىق، بىرلەسكەن وقۋ-جاتتىعۋلار مەن وقىتۋ سەمينارلارىن وتكىزۋ ەسكەرىلگەن. ەكىنشىدەن، رادياتسيالىق قاۋىپسىزدىكتى قامتاماسىز ەتۋ سالاسىنداعى تاراپتاردىڭ حالىقارالىق مiندەتتەمەلەردi ورىنداۋىن قامتاماسىز ەتۋگە مۇمكىندىك بەرەدى. وسى ورايدا، تاراپتاردىڭ كەدەن شەكاراسىنداعى وتكىزۋ پۋنكتتەرىندە رادياتسيالىق باقىلاۋ جۇرگىزۋ، ازاماتتاردىڭ رادياتسيالىق قاۋىپسىزدىگىن قامتاماسىز ەتۋ قامتىلعان»، دەدى پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ.

سونداي-اق تاراپتار مەملەكەتتەرىنىڭ زاڭناماسىنا سايكەس، اكەلۋگە تىيىم سالىنعان يادرولىق، رادياتسيالىق قاۋىپتى زاتتاردى ەل اۋماعىنا تاسىمالداۋعا جول بەرمەۋگە مۇمكىندىك بەرەدى. بۇل تۇرعىدا رادياتسيا اياسى بەلگىلەنگەن نورمالاردان اساتىن تاۋارلار مەن كولىك قۇرالدارىن تاسىمالداۋعا قاتىستى تاراپتار مەملەكەتتەرى زاڭناماسىنىڭ تالاپتارى ساقتالماعان جاعدايدا، مۇنداي تاۋارلاردى ەكىنشى تاراپ مەملەكەتىنىڭ اۋماعىنا اكەتۋگە جول بەرىلمەيدى.

«بىرلەسكەن رادياتسيالىق باقىلاۋدى جۇرگىزۋ ءتارتىبىن تاراپتار مەملەكەتتەرىنىڭ كەدەن ورگاندارىنىڭ وكىلدەرىنەن جانە وقۋ ورتالىقتارىنىڭ ماماندارىنان تۇراتىن بىرلەسكەن جۇمىس توبى ايقىندايدى. وسى كەلىسىمدى راتيفيكاتسيالاۋ قازاقستان مەن قىتاي اراسىنداعى يادرولىق ماتەريالداردى، راديواكتيۆتى ماتەريالداردى، راديواكتيۆتى قالدىقتاردى جانە رادياتسيالى قاۋىپتى زاتتاردى زاڭسىز وتكىزۋدى بولدىرماۋ راسىمىنە قاتىستى ماسەلەلەردى نەعۇرلىم ناقتى جانە نەعۇرلىم ءتيىمدى قۇقىقتىق رەتتەۋگە ىقپال ەتەدى. كەلىسىمدى ىسكە اسىرۋ رەسپۋبليكالىق بيۋدجەتتەن قوسىمشا قارجى شىعىندارىن تالاپ ەتپەيدى»، دەپ تۇيىندەدى مينيستر.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

ۇقساس جاڭالىقتار