ناقتىراق ايتقاندا, ماعجان مىڭباەۆ باس جۇلدەنى جەڭىپ السا, ۇلجان مىڭباەۆا «حالىق ءانى» اتالىمى بويىنشا ءبىرىنشى جۇلدە يەگەرى اتاندى. ەكى ونەرپاز دا قاراعاندى قالاسىنداعى كەنشىلەر مادەنيەت سارايىنىڭ «ارقا اۋەنى» ءداستۇرلى ءان ۇيىرمەسىندە ءدارىس الادى.
ايتا كەتۋ كەرەك, «ارقا اۋەنى» ءداستۇرلى ءان ۇيىرمەسى بيىلدان باستاپ جۇمىس ىستەيدى. ونى قايرات بايبوسىنوۆتىڭ شاكىرتى, بەلگىلى ءانشى, مادەنيەت سالاسىنىڭ ۇزدىگى قايرات ابەۋوۆ باسقارادى.
اتالعان بايقاۋدا 11 جاستاعى ۇلجان حالىق ءانى «گۇلدەرايىمدى» ورىنداپتى. بۇدان باسقا ونىڭ رەپەرتۋارىندا «تۋعان ەل», «اسەلىم جانىم», «تەربەلدى تىڭ دالا», «مارجان قىز» جانە ء«لايلىم» سىندى اندەر بار ەكەن.
– بالا كەزىمنەن دومبىرا تارتۋمەن جانە ءان ايتۋمەن اينالىسامىن. تانىمال ءانشى بولۋدى ارماندايمىن. مەكتەپتى بىتىرگەننەن كەيىن قۇرمانعازى اتىنداعى كونسەرۆاتورياعا تۇسكىم كەلەدى, – دەپ سىر اقتاردى ۇلجان.
ال جەڭىمپاز ماعجان بولسا, دومبىرا كلاسىنا ءۇش جىلدان بەرى بارىپ ءجۇر ەكەن. ال ءداستۇرلى ءان ايتۋمەن بيىلعى جىلدىڭ قاڭتار ايىنان باستاپ اينالىسادى.
بايقاۋدا ول «سايرا بۇلبۇل» ءانىن تامىلجىتا ورىنداپ, قازىلار مەن كورەرمەن قاۋىمنىڭ ىستىق ىقىلاسىنا بولەنگەن.
قاراعاندى
