قازاقستان • 18 مامىر، 2022

«بايتەرەك» حولدينگىنىڭ باسقارۋشى ديرەكتورلارى قىسقاردى

41 رەت كورسەتىلدى

بۇگىن پرەمەر-مينيستر ءاليحان سمايىلوۆتىڭ توراعالىعىمەن «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ وتىرىسى ءوتتى، دەپ حابارلايدى Egemen.kz حولدينگتىڭ ءباسپاسوز قىزمەتىنە سىلتەمە جاساپ.

«وتىرىس بارىسىندا كەڭەس مۇشەلەرى حولدينگتىڭ جارعىسىنا ەنگىزىلەتىن وزگەرىستەردى قاراستىرىپ، 2021 جىلعى جىلدىق قارجىلىق ەسەپتىلىكتى الدىن الا بەكىتتى. ديرەكتورلار كەڭەسىنىڭ شەشىمى بويىنشا حولدينگ باسقارماسىنىڭ قۇرامى 7 ادامنان 5 ادامعا وڭتايلاندىرىلدى. باسقارۋشى ديرەكتورلار لاۋازىمدارىن اتقاراتىن باسقارما مۇشەلەرىنىڭ 2 بىرلىگى قىسقارتىلماق»، دەلىنگەن مالىمدەمەدە.

سىبايلاس جەمقورلىققا قارسى ءىس-قيمىل ساياساتىنا سايكەس ازىرلەنگەن جانە حولدينگتىڭ سىبايلاس جەمقورلىققا قارسى كومپلاەنس قىزمەتىنىڭ جۇمىسىن جەتىلدىرۋدى كوزدەيتىن 2022 جىلعا ارنالعان سىبايلاس جەمقورلىققا قارسى كومپلاەنس باعدارلاماسى بەكىتىلدى.

«ايتا كەتسەك، «بايتەرەك» حولدينگىندە 2022 جىلدىڭ 1 قاڭتارىنان باستاپ ديرەكتورلار كەڭەسىنە باعىناتىن سىبايلاس جەمقورلىققا قارسى كومپلاەنس قىزمەتى جۇمىس ىستەيدى»، دەپ تولىقتىردى ءباسپاسوز قىزمەتى.

بۇدان باسقا، وتىرىستا 2022 جىلدىڭ ءبىرىنشى توقسانى بويىنشا تاۋەكەلدەر جونىندەگى ەسەبى، ىشكى اۋديت قىزمەتىنىڭ ەسەبى، 2021 جىلى كورپوراتيۆتىك باسقارۋ كودەكسىنىڭ قاعيداتتارى مەن ەرەجەلەرىن ساقتاۋى تۋرالى ەسەبى بەكىتىلدى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار