قوعام • 18 مامىر، 2022

شەتەلدىك مۋلتفيلمدەردى قازاق تىلىنە اۋدارۋعا قانشا قارجى ءبولىندى

24 رەت كورسەتىلدى

Nickelodeوn جانە Tiji تەلەارنالارى قازاق تىلىندە مۋلتفيلم كورسەتۋدى باستايدى. جالپى اۋدارما جاساۋعا 570 ملن تەڭگە ءبولىندى. بۇل تۋرالى اقپارات جانە قوعامدىق دامۋ ۆيتسە-ءمينيسترى دانيار قادىروۆ ايتتى، دەپ حابارلايدى Egemen.kz

ۆيتسە-مينيستر پرەزيدەنت قاسىم-جومارت توقاەۆ 2022 جىلدى بالالار جىلى دەپ جاريالاعانىن اتاپ ءوتتى.

«بالالاردىڭ تاربيەسى تىلدەن باستالادى. وسىعان بايلانىستى اقپارات جانە قوعامدىق دامۋ مينيسترلىگى بىلتىر Nickelodeوn جانە Tiji تەلەارنالارىمەن كەلىسسوز جۇرگىزدى. بيىل وتاندىق كابەلدىك وپەراتورلار: Alma TV، تۆ كوممەررتس، قازاقتەلەكوم Nickelodeوn جانە Tiji تەلەارنالارى قازاق تىلىندە كورسەتىلە باستادى»، دەدى ءمينيستردىڭ ورىنباسارى وكق-دە وتكەن ءباسپاسوز ءماسليحاتىندا.

دانيار قادىروۆ جاڭا بالالارعا ارنالعان تەلەارنالار ەلدەگى مۋلتيپليكاتسيانى دامىتۋعا سەرپىن بەرەتىنىن جەتكىزدى.

«الەۋمەتتىك زەرتتەۋلەرگە سايكەس ەلدە بالالار كونتەنتى بويىنشا Balapan تەلەارناسى كوش باسىندا تۇر. سونداي-اق جوعارىدا اتالعان ەكى تەلەارنا باسەكەگە قابىلەتتى، الەمدىك دەڭگەيدە بولعاندىقتان ولاردى تاڭداپ الدىق. ويتكەنى Nickelodeوn تەلەارناسى 180 ەلگە، Tiji 20 ەلگە حابار تاراتادى»، دەدى ۆيتسە-مينيستر.

سونداي-اق ءمينيستردىڭ ورىنباسارى تەلەارنالاردىڭ جۇمىسىنا قانشا قارجى بولىنگەنىنە توقتالدى.

«اقپارات جانە قوعامدىق دامۋ مينيسترلىگى مەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى قازاق ءتىلىن دامىتۋ ءۇشىن مەملەكەت قارجىسىن ءبولدى. جالپى 570 ملن تەڭگە ءبولىندى، قارجى ءبىر جىلعا جوسپارلانعان. بۇل اقشاعا 800-گە جۋىق ساعاتقا اۋدارما جاسالدى»، دەدى دانيار قادىروۆ.

ايانا توعانبەك

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار