مەديتسينا • 18 مامىر، 2022

«اڭساعان ءسابي» باعدارلاماسى ارقىلى 1307 ءسابي دۇنيەگە كەلدى

33 رەت كورسەتىلدى

بۇل تۋرالى قر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Egemen.kz.

«2021 جىلدان باستاپ پرەزيدەنت تاپسىرماسى بويىنشا «اڭساعان ءسابي» ارناۋى باعدارلاماسى ىسكە قوسىلدى. وندا 2026 جىلعا دەيىن ەكستراكورپورالدى ۇرىقتاندىرۋعا جىل سايىن 7000 كۆوتا ءبولۋ كوزدەلگەن. وسى جىلدىڭ ءساۋىر ايىنداعى جاعداي بويىنشا ەكۇ ارقىلى 1 307 بالا دۇنيەگە كەلدى. قازىر 3 063 ايەل جۇكتى، ول 43 پايىزدى قۇرايدى»، دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

سونىمەن قاتار مينيستر بيىل «بالالار جىلى» ەكەندىگىن اتاپ ءوتىپ، بالالاردىڭ دەنساۋلىعىن ساقتاۋ جونىندەگى ءىس-شارالاردى ىسكە اسىرۋعا مينيسترلىك ەرەكشە نازار اۋداراتىنىن ايتتى.

«بالالاردى پروفيلاكتيكالىق قاراپ-تەكسەرۋ پاكەتتەرى كەڭەيتىلدى. سونىمەن قاتار رەسپۋبليكالىق بيۋدجەت ەسەبىنەن 16،4 ملرد تەڭگە مولشەرىندە قارجىلاندىرۋ كوزدەلگەن. بۇگىنگى تاڭدا 9 سيرەك نەمەسە ورفاندىق اۋرۋلارى بار بالالاردى ەمدەۋ ءۇشىن 24 دارىلىك زاتتار ساتىپ الىناتىن بولدى. سيرەك كەزدەسەتىن اۋرۋلار ىشىندە ج ۇلىن-بۇلشىقەت اتروفياسى جانە ەپيلەپسيانىڭ سيرەك كەزدەسەتىن تۇرلەرى بار»، دەدى اجار عينيات.



 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار