«جاۋىن-شاشىنسىز اۋا رايى ەلىمىزدىڭ تەك شىعىسىندا ساقتالادى, ال تەرريتوريانىڭ قالعان بولىگىندە سولتۇستىك-باتىس تسيكلونى جانە ونىمەن بايلانىستى اتموسفەرالىق فرونتالدى بولىكتەر ءوز اسەرىن ساقتايدى – جاڭبىر, وڭتۇستىك پەن سولتۇستىكتە قاتتى جاڭبىر جاۋادى, نايزاعاي, بۇرشاق, داۋىل بولىپ, جەل كۇشەيەدى, باتىس پەن وڭتۇستىكتە شاڭدى داۋىل سوعىپ, سولتۇستىكتە تۇندە جانە تاڭەرتەڭ تۇمان تۇسەدى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, اقمولا وبلىسىنىڭ باتىسى, سولتۇستىگى مەن وڭتۇستىگىندە بۇرشاق جاۋىپ, كۇندىز باتىسى مەن وڭتۇستىگىندە جەل 15-20 م/س كۇشەيەدى.
كۇندىز الماتى وبلىسىنىڭ تاۋلى اۋدارىندا, اتىراۋ وبلىسىنىڭ باتىسى, شىعىسى مەن ورتالىعىندا, ماڭعىستاۋ وبلىسىنىڭ سولتۇستىگىندە, اقتوبە وبلىسىنىڭ سولتۇستىگى مەن ورتالىعىندا, قىزىلوردا وبلىسىنىڭ ورتالىعىندا جەل 15-20 م/س كۇشەيىپ, ماڭعىستاۋ, قىزىلوردا وبلىستارىندا شاڭدى داۋىل سوعادى.
تۇركىستان وبلىسىنىڭ وڭتۇستىگى, باتىسى, سولتۇستىگى, تاۋلى جانە تاۋ بوكتەرلى اۋداندارىندا داۋىل سوعىپ, جەل 15-20 م/س كۇشەيەدى.
كۇندىز باتىس قازاقستان وبلىسىنىڭ باتىسى, سولتۇستىك-باتىسىندا بۇرشاق جاۋىپ, داۋىل سوعادى, تۇندە سولتۇستىگى, سولتۇستىك-باتىسىندا, كۇندىز باسىم بولىگىندە جەل 15-20, كۇندىز ەكپىنى 23 م/س كۇشەيەدى.
قوستاناي وبلىسىنىڭ تۇندە وڭتۇستىگىندە, كۇندىز باتىسى مەن وڭتۇستىك-شىعىسىندا بۇرشاق, داۋىل بولىپ, تۇندە جانە تاڭەرتەڭ شىعىسىندا تۇمان تۇسەدى, كۇندىز باتىسى مەن وڭتۇستىگىندە جەل كۇشى 15-20, ەكپىنى 23 م/س جەتەدى.
كۇندىز سولتۇستىك قازاقستان وبلىسىنىڭ وڭتۇستىگى مەن شىعىسىندا داۋىل, بۇرشاق بولىپ, باتىسى, وڭتۇستىگى مەن شىعىسىندا جەل 15-20 م/س جەتەدى.
تاڭەرتەڭ جانە كۇندىز پاۆلودار وبلىسىنىڭ باتىسى, سولتۇستىگى مەن ورتالىعىندا بۇرشاق جاۋىپ, جەل 15-20 م/س جەتەدى.
كۇندىز قاراعاندى وبلىسىنىڭ سولتۇستىگى, وڭتۇستىگى مەن ورتالىعىندا بۇرشاق جاۋىپ, باتىسى مەن ورتالىعىندا جەل كۇشى 15-20 م/س جەتەدى.
جامبىل وبلىسىنىڭ وڭتۇستىگى, سولتۇستىگى مەن تاۋلى اۋداندارىندا بۇرشاق جاۋىپ, داۋىل سوعىپ, وڭتۇستىك-باتىسى, سولتۇستىك-شىعىسى مەن تاۋلى اۋداندارىندا جەل كۇشى 15-20, كۇندىز ەكپىنى 23-28 م/س جەتەدى.
شىعىس قازاقستان وبلىسىنىڭ جارما اۋدانىندا, پاۆلودار وبلىسىنىڭ ورتالىعىندا توتەنشە ءورت قاۋىپى ساقتالادى.
