قوعام • 17 مامىر، 2022

رەفەرەندۋم – قوعامداعى ەڭ باستى تاقىرىپ

694 رەت كورسەتىلدى

2022 جىلعى 17 مامىردا قازاقستان رەسپۋبليكاسى پرەزيدەنتىنىڭ ارحيۆىندە قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ جوباسى تالقىلاندى. كەزدەسۋ دوڭگەلەك ۇستەل فورماتىندا ءوتتى.

كەزدەسۋگە كەلگەن قر پارلامەنت ءماجىلىسىنىڭ دەپۋتاتى بەكقالي تورعاەۆ، «AMANAT» پارتياسى الماتى قالالىق فيليالىنىڭ اتقارۋشى حاتشىسى مەيىرجان وتىنشيەۆ جانە قازاقستان رەسپۋبليكاسى كونستيتۋتسياسىنا وزگەرىستەر مەن تولىقتىرۋلار ەنگىزۋ جونىندەگى رەفەرەندۋم وتكىزۋدى قولدايتىن «AMANAT» پارتياسىنىڭ قالالىق شتابى توراعاسىنىڭ ورىنباسارى باقتيار كامالوۆ، «AMANAT» پارتياسىنىڭ مەدەۋ اۋداندىق فيليالىنىڭ باسشىسى ازات اجيمانوۆ قر پرەزيدەنتى ءارحيۆىنىڭ ۇجىمىمەن كونستيتۋتسيالىق رەفورمانىڭ جوباسىن تالقىلادى. سونداي-اق ءىس-شاراعا الماتى كوپسالالى كوللەدجىنىڭ ستۋدەنتتەرى قاتىستى.

،

دوڭگەلەك ۇستەلدىڭ اشىلۋىندا ارحيۆ ديرەكتورى ءاليا مۇستافينا 2022 جىلعى 5 ماۋسىمدا كونستيتۋتسياعا وزگەرىستەر مەن تولىقتىرۋلار ەنگىزۋ بويىنشا وتەتىن قازاقستان ازاماتتارىنىڭ ءوز پىكىرىن بىلدىرەتىن جالپىحالىقتىق رەفەرەندۋم – جاڭا قازاقستان ءۇشىن جانە بولاشاق ۇرپاق ءۇشىن ازاماتتىق جاۋاپكەرشىلىگىمىزدى كورسەتۋدەگى ماڭىزدى قادام ەكەنىن اتاپ ءوتتى.

ءىس-شارا بارىسىندا قر پارلامەنت ءماجىلىسىنىڭ دەپاۋتاتى بەكقالي تورعاەۆقا ءارحيۆتىڭ قۇجاتتارىن ساقتاۋ مەن تسيفرلاندىرۋ ءۇردىسىنىڭ جۇمىستارى تولىق كورسەتىلىپ، تاۋەلسىز قازاقستان تاريحىنداعى رەفەرەندۋمداردىڭ تاريحي قۇجاتتارى تانىستىرىلدى.

قازاقستان رەسپۋبليكاسى پرەزيدەنتى ءارحيۆىنىڭ قىزمەتكەرلەرى شارا قوناقتارىنا ساۋالدار قويىپ، ءوز پىكىرلەرىن ايتتى.

قاتىسۋشىلار كەزدەسۋ قورىتىندىسىندا اعىمداعى جىلدىڭ 5 ماۋسىمىندا وتەتىن رەسپۋبليكالىق رەفەرەندۋمعا بەلسەندى قاتىساتىندارىن جەتكىزدى.

 

نۇرلان توقساباەۆ،

قر پرەزيدەنتى ءارحيۆىنىڭ قىزمەتكەرى

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ۇقساس جاڭالىقتار