سانيتاريالىق-ەپيدەميولوگيالىق باقىلاۋ قىزمەتىنىڭ ماماندارى وتكەن جىلى كەنە شاعۋ فاكتىلەرىنىڭ از بولۋىن كارانتينگە بايلانىستى تابيعاتقا شىعۋ, سەرۋەندەۋگە قويىلعان شەكتەۋلەرمەن بايلانىستىرادى.
«بيىلدىڭ وزىندە وبلىستا قىرىم كونگو گەمورراگيالىق قىزباسىنىڭ ءبىر جاعدايى تىركەلدى. قازىعۇرت اۋدانىنىڭ تۇرعىنىن 10 مامىر كۇنى ءوز اۋلاسىندا كەنە شاققان. 2-3 كۇننەن كەيىن السىزدىك, دەنە قىزۋىنىڭ كوتەرىلۋى, ينە ەنگىزۋ ورىندارىنىڭ اۋىرسىنۋى, قىزارۋى سىندى بەلگىلەرى بىلىنە باستاعان سوڭ جەدەل جاردەممەن ورتالىق اۋرۋحاناعا جاتقىزىلدى. قازىرگى جاعدايى ورتاشا اۋىر», دەدى تۇركىستان وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز حاتشىسى ارداق بەردەن.
جىل باسىنان بەرى 62 ەلدى مەكەندە زووپارازيتولوگيالىق توپ بارلاۋ جۇمىسىن جۇرگىزگەن. ولار 15 252 دانا كەنە جينادى. زەرتتەۋ ناتيجەسى بويىنشا 54 سىنامادان - وڭ ناتيجە, ياعني قىرىم كونگو گەمورراگيالىق قىزباسىنىڭ ۆيرۋستارى انىقتالعان. قولايسىز سانالاتىن 85 ەلدى مەكەندە سانيتاريالىق قورعاۋ ايماقتارى قۇرىلىپ, زالالسىزداندىرۋ جۇمىستارى جۇرگىزىلۋدە.
