قاسىم-جومارت توقاەۆتىڭ توراعالىعىمەن وتكەن جيىنعا پرەمەر-مينيستر ءاليحان سمايىلوۆ, پرەزيدەنت اكىمشىلىگىنىڭ باسشىسى مۇرات نۇرتىلەۋ, ۇكىمەت مۇشەلەرى جانە «سامۇرىق-قازىنا» اكتسيونەرلىك قوعامىنىڭ باسشىلىعى قاتىستى.
كەڭەس بارىسىندا قازاقستان مەن رەسەي اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ, شەكارا ماڭىنداعى وڭىرلەر ىقپالداستىعىنىڭ كەشەندى ماسەلەلەرى قاراستىرىلدى.
مەملەكەت باسشىسى جيىن سوڭىندا بىرقاتار ناقتى تاپسىرما بەردى. اتاپ ايتقاندا, قازاقستان زاڭناماسىنا سايكەس جانە گەوەكونوميكالىق جاعدايلاردى ەسكەرە وتىرىپ, ۇكىمەت باسشىلىعىنا ەكىجاقتى ىنتىماقتاستىقتىڭ شەشىلمەگەن ماسەلەلەرىن رەتتەۋ مىندەتى جۇكتەلدى.
