قازاقستان • 17 مامىر، 2022

اۋىل مەكتەپتەرىنە 515 جاڭا اۆتوبۋس بەرىلەدى

69 رەت كورسەتىلدى

بالالار جىلى اياسىندا ەلىمىزدىڭ اۋىل مەكتەپتەرىنىڭ اۆتوبۋس پاركى 515 اۆتوبۋسپەن جاڭارتىلادى، دەپ حابارلايدى Egemen.kz ءبىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساپ.

بۇل بالالاردى مەكتەپكە جانە ۇيلەرىنە قاۋىپسىز تاسىمالداۋدى قامتاماسىز ەتۋگە مۇمكىندىك بەرەدى. اسىرەسە مەكتەپتەرى جوق شالعايداعى حالقى از اۋىلداردا تۇراتىن بالالار اۆتوبۋسپەن  قامتاماسىز ەتىلەدى.

«بالالاردى اۆتوبۋسپەن قامتاماسىز ەتۋ ءۇشىن قارجىلاندىرۋ اكىمدىكتەرگە بولىنەدى. ءبىلىم جانە عىلىم مينيسترلىگى مەكتەپ اۆتوبۋستارىمەن قامتاماسىز ەتۋ ماسەلەسىن بىرنەشە رەت كوتەرگەن بولاتىن. بيىل وڭىرلەر مەكتەپتەرىن بالالاردى تاسىمالداۋعا ارنالعان جاڭا كولىكتەرمەن قامتاماسىز ەتۋ ماسەلەسى رەسپۋبليكالىق دەڭگەيدە شەشىلىپ، جاڭا اۆتوبۋستار الۋعا قارجى ءبولىنىپ جاتىر. سونداي-اق ءبىلىم بەرۋ ۇيىمدارىن اۆتوبۋستارمەن ودان ءارى جابدىقتاۋ ءۇشىن جول كارتاسى ازىرلەندى. بۇگىنگى تاڭدا 25 مىڭنان استام وقۋشى كولىككە مۇقتاج. سونداي-اق مەكتەپ اۆتوبۋستارىنا جوعارى قاجەتتىلىك تۇركىستان، اقمولا، باتىس قازاقستان، الماتى، پاۆلودار جانە باسقا دا وبلىستاردا بايقالادى»، دەدى بعم بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى دۋلات جەكەباەۆ.

قازىرگى ۋاقىتتا بارلىعى 1000-نان استام مەكتەپ اۆتوبۋسى قاتىنايدى. قارجىلىق ليزينگ باعدارلاماسى بويىنشا جەڭىلدەتىلگەن شارتتارمەن ەلىمىزدە قۇراستىرىلعان جاڭا اۆتوبۋستار ساتىپ الىنادى. بۇل تەتىك ەل مەكتەپتەرىنىڭ بارلىق اۆتوبۋس پاركىن كەزەڭ-كەزەڭىمەن جاڭارتۋعا مۇمكىندىك بەرەدى.

«بالالاردى تاسىمالداۋدا بارىنشا قاۋىپسىزدىكتى قامتاماسىز ەتۋ ماقساتىندا ءبىز ساتىپ الىناتىن كولىكتەرگە قويىلاتىن تەحنيكالىق تالاپتاردى ازىرلەپ، بەلگىلەدىك. بۇل 20-40 جەرگىلىكتى اۆتوبۋس بولۋى كەرەك، سەبەبى اۋىلداردا كوبىنە جول جوق. ونىمەن قوسا، كولىكتەر قاۋىپسىزدىك بەلدىكتەرى بار بالالار ورىندىقتارىمەن، سالوندا بالالاردى قالدىرۋدى بولدىرمايتىن جۇيەمەن، كابينانىڭ ارتقى جاعىنداعى اۆاريالىق شىعۋمەن جابدىقتالۋى كەرەك. سونىمەن قاتار بالالاردى مەكتەپ اۆتوبۋسىمەن تاسىمالداۋ كەزىندە مەكتەپ ديرەكتورىنىڭ بۇيرىعىمەن بەكىتىلگەن ارنايى قىزمەتكەر الىپ ءجۇرۋى قاجەت»، دەپ ءتۇسىندىردى دۋلات جەكەباەۆ.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار