ۇزدىك ۋنيۆەرسيتەت ۇلگىسى

«جوعارى وقۋ ورىندارىنىڭ ەۋروپالىق ستاندارت رەيتينگىسى» بويىنشا قازاقستاندىق 23 جوو-نىڭ ىشىنەن جوعارى باعالانعان 5 ءبىلىم ورداسىنىڭ ءبىرى قاراعاندى مەملەكەتتىك تەحنيكالىق ۋنيۆەر­سيتەتى بولعانى بەلگىلى. وقۋ ور­نى­نىڭ ايماقتاعى ءرولى, عىلى­مي-وقۋ ۇدەرىسىنىڭ موني­تو­رينگى, وقۋ ۇدەرىسىن اقپارات­تان­دىرۋ, وقىتۋ ساپاسىن باعالاۋ سياقتى ەۋروپالىق ستاندارتتار ەسكەرى­لەتىن بۇل بايقاۋدا ۇزدىكتەر قا­تارىنان ورىن الۋ, وسى باعىتتا كەيىنگى جىلدارى جۇرگىزىلگەن سان الۋان جۇمىستار جەمىسى. جاڭا جەتىستىكپەن قاناتتانعان بايىرعى ءبىلىم ورداسى ەلباسى ن.ءا.نازارباەۆتىڭ «قازاقستان جولى – 2050: ءبىر ماقسات, ءبىر ءمۇد­­دە, ءبىر بولاشاق» اتتى جول­داۋ­ىن­­دا عىلىم مەن ءبىلىم سالاسى الدىنا قويىلعان باسىم مىندەت­تەرگە بايلانىستى جوعارى وقۋ ور­نىن دامىتۋدىڭ 2014 جىلعا ار­نالعان كەشەندى باعدار­لاما­سىن قابىلدادى. نەگىزگى باعىت­تارى قاتارىندا ۋنيۆەر­سيتەت­تىڭ يننو­ۆاتسيالىق عىلىمي-تەحنيكا­لىق كە­شەنىنىڭ تيىمدىلىگىن ارتتىرۋ نە­گىزىندە گەرمانيا مەن اقش-تىڭ («KBL», «FLUOR») ين­جي­­ني­­رينگ­تىك كومپانيالارىمەن ءبىر­لە­سىپ حالىقارالىق ستاندارتتار­دى قۇرىلىسقا ەنگىزۋ جونىندە جانە حالىقارالىق ماتەريالتانۋ ورتالىقتارىن قۇرۋ, سونىڭ نەگىزىندە ونەركاسىپتىك ءونىمدى سەر­تيفيكاتتاۋدى ۇيىمداستىرۋ جوباسىن ىسكە اسىرۋ كوزدەلگەن. سونداي-اق, ايماق ونەركاسىبىنىڭ يننوۆاتسيالىق دامۋى بويىنشا مەتان گازىن پايداعا اسىرۋ, كەن قازبالارى قاۋىپسىزدىگىن قام­تا­ما­سىز ەتۋ, گەولوگيالىق بارلاۋ, كولىك ينفراقۇرىلىمى جانە لوگيستيكا ورتالىقتارى جۇمىسى جەتىلدىرىلەدى. وبلىستىڭ يندۋستريالاندىرۋ كارتاسىندا قاراستىرىلعان جوبالاردى جۇزەگە اسىرۋ ءۇشىن باسەكەگە قابىلەتتى ماماندار دايار­لاۋ جالعاسىن تابادى. 75 كاسىپورىنمەن 2015 جىلعا دەيىن جوعارى جانە جوعارى وقۋ ورنىنان كەيىنگى ءبىلىم بەرۋدە 29 ماماندىق بويىنشا 2984 ماماندى ماقساتتى دايارلاۋ شارتتارى جاسالدى. باعدارلامادا مامانداردى دايارلاۋ ساپاسىن ارتتىرۋ ءۇشىن «Schneider Eleسtric» كومپانياسىمەن بىرلەسىپ جەر ءۇستى لازەرلىك سكانەرلەۋ زەرتحاناسىن, وپتيكا-تالشىقتى كابەلدەردى دانەكەرلەۋ جونىندە وقۋ عىلىمي-وقۋ زەرتحاناسىن قۇرۋ بار. ءدۋالدى وقىتۋ ماسەلەلەرىن شەشۋ ءۇشىن ماماندار دايارلاۋدىڭ بارلىق بەيىندەرى بويىنشا بەس عىلىمي-وقۋ-وندىرىستىك بىرلەستىگى تاعى سونشاسىمەن تولىعاتىن بولدى. بۇعان قوسا, تاياۋ كۇندەرى ۋنيۆەرسيتەت «ارمانداستار ورداسى» اتتى ەلىمىزدەگى ەڭ ءىرى ستۋدەنتتەر ءۇيىن پايدالانۋعا بەرىپ, جۇزدەگەن شاكىرتتى قۋانتقالى وتىر. ايقىن نەسىپباي, «ەگەمەن قازاقستان». قاراعاندى.