جەڭىس اندەرى بارىمىزگە قىمبات

الداعى 9 مامىر – جەڭىس كۇنىنە وراي «جاستار باستامالارىن دامىتۋ ورتالىعى» «جەڭىسكە دەيىن 30 كۇن» اتتى شارا ارقىلى ۇيلەرىنە بارىپ, سوعىس ارداگەرلەرىن قۇتتىق­تاۋدا. ال مەرەكە «ماڭگىلىك پولك» اتتى ازاماتتىق-پاتريوتتىق شارالارىنان باستالادى. بۇل شارانىڭ ماقساتى – سوعىسقا قاتىسقان ساربازدار جولىن بۇگىنگى ۇرپاققا جەتكىزۋ. قالالىق اكىمدىكتىڭ ءباسپاسوز قىزمەتىنىڭ حابارلاۋىنشا, «ءماڭ­گىلىك پولك» شاراسى بارىسىندا بالالارى, نەمەرەلەرى, شوبەرەلەرى سوعىس ارداگەرلەرىمەن ءبىر قاتاردا ولاردىڭ سۋرەتتەرىن قولدارىنا ۇستاپ, ساپ تۇزەپ جۇرەدى. سونىمەن بىرگە, بۇل شاراعا وبلىس ورتا­لى­عىندا «جەڭىس اندەرى» اتتى پات­ريوتتىق جوبا قوسىلدى. جوبادا كورسەتىلگەندەي, وبلىس تۇرعىندارى ورتالىق الاڭدا مەرەكە كۇندەرى كاراوكەمەن كوپكە بەلگىلى سوعىس كەزىندە تۋعان پاتريوتتىق اندەردى شىرقايدى. – ءۇش اپتا بويى سوعىس جىلدارى تۋعان جانە پاتريوتتىق اندەرگە داۋىس بەرىلەدى. قالا تۇرعىندارى پاتريوتتىق رۋحتاعى اندەردى وزدەرى تاڭدايدى. ءبىز سوعىستى كورگەن جوق­­پىز. اتالارىمىزدان ەستىپ ءوس­تىك. بىراق, «جەڭىس اندە­رى» بىزگە دە جاقىن, – دەيدى ۇيىم­داس­­تى­رۋ­شى­لاردىڭ ءبىرى ءاسيا تاقى­باە­ۆا. داۋىس بەرۋ اياقتالعان سوڭ 20 ءان توپتاماسى انىقتالىپ, 9 ما­مىر كۇنى «حالىقتىق كاراوكە» ۇيىم­داستىرىلادى. مەرەكەگە كەلگەن قو­ناقتارعا اندەر جيناعى سىيعا تار­تىلادى. الاڭعا جينالعان جۇرت­شىلىققا ءار ءاننىڭ رەتى مەن ءماتىنى كورسەتىلەتىن ەكراندار ورناتىلادى. فاريدا بىقاي, «ەگەمەن قازاقستان». پاۆلودار.