«نەسيە بويىنشا سىياقى مولشەرىنە كەلەتىن بولسا, ۇكىمەتتىڭ قاۋلىسىمەن 4 پايىزدىق سىياقى بەلگىلەندى. بۇل سىياقى وسپەيدى. دەگەنمەن, ونىڭ قاسىندا بانكتىڭ كورسەتكەن قىزمەتتەرى بويىنشا قوسىمشا تولەمدەر بولۋى كەرەك. ساقتاندىرۋ شىعىندارى دا بار. بانك ءوز تاۋەكەلىن ساقتاندىرماي سىزدەرگە نەسيە بەرمەيدى. سوندىقتان ونىڭ شىعىنى نەسيە الۋعا تىلەك بىلدىرگەن ازاماتتىڭ ەسەبىنەن جۇرگىزىلەدى», دەدى قوردىڭ باسقارما باسشىسى عالىمجان ءادي.
ال قوردىڭ باسقارما توراعاسىنىڭ ورىنباسارى رينات گاپپاروۆ 4 پايىزدىق سىياقى مولشەرلەمەسىنىڭ ۇستىنە قوسىلاتىن پايىزدىق ۇستەمەلەر ءار بانكتە ءار ءتۇرلى بولۋى مۇمكىن ەكەنىن ايتتى.
«جەڭىلدەتىلگەن اۆتونەسيە بويىنشا عانا ەمەس, بۇكىل نەسيەلەر بويىنشا سىياقى مولشەرلمەسىنەن بولەك جىلدىق ءتيىمدى سىياقى مولشەرلەمەسى بار. ءسىز ايتىپ وتىرعان نەسيەنىڭ پايىزى وسى تۇرعىدان وسەدى. ال ۇكىمەت بەلگىلەگەن 4 پايىز سىياقى مولشەرلەمەسى وسپەيدى. ءيا, قوسىمشا كوميسسيالار مەن ساقتاندىرۋ شىعىنى بار. سىياقى ۇكىمەت قاۋلىسى بويىنشا جەكە تولەنەدى. سوندىقتان نەسيە قىمباتتاپ وتىر. ال ساقتاندىرۋسىز نەسيە الا المايسىز», دەپ ءتۇسىندىردى رينات گاپپاروۆ.
