«ەلدەگى قىلمىستىق جاعدايعا توقتالساق, ءبىر اپتا ىشىندە 3116 قىلمىس جاسالدى, ونىڭ 1892-ءسى تاۋلىك ىشىندە اشىلدى», دەدى ش. تۇرلىبەك.
وسى ورايدا ول پوليتسيا قىزمەتكەرلەرى ء«ىزىن سۋىتپاي» ەكى كىسى ءولتىرۋ, التى ولىمگە اكەپ سوققان دەنساۋلىققا قاساقانا اۋىر زيان كەلتىرۋ, ءبىر قاراقشىلىق, 45 توناۋ جانە 507 بوتەننىڭ مۇلكىن ۇرلاۋ قىلمىستارىن اشقانىن اتاپ ءوتتى.
بۇدان بولەك ش. تۇرلىبەك وتكەن اپتادا ىشكى ىستەر ءمينيسترى مارات احمەتجانوۆ پاۆلوداردا ءوڭىر تۇرعىندارىمەن كەزدەسكەنىن ايتتى.
«ەلوردادان مينيسترمەن بىرگە ءىىم قوعامدىق كەڭەسىنىڭ مۇشەلەرى مەن ۆەدومستۆونىڭ ورتالىق اپپاراتىنىڭ باسشىلارى كەلدى. سونىمەن قاتار قالالىق مادەنيەت سارايىندا مارات احمەتجانوۆ ايماق تۇرعىندارى الدىندا ەسەپ بەردى. ءبىرىنشى كەزەكتە مينيستر ۆەدومستۆو رەفورمالارىنا, ەلدەگى جانە وڭىردەگى قىلمىستىق جاعدايعا توقتالدى. ول جالپى قىلمىس دەڭگەيىنىڭ تومەندەۋ ءۇردىسى بايقالعانىن ايتتى. ۆەدومستۆو باسشىسى تۇرعىنداردىڭ بارلىق سۇراقتارىنا جاۋاپ بەردى. پاۆلودارلىقتاردى نەگىزىنەن قىلمىستىق ىستەردى تەرگەۋدىڭ ساپاسى مەن مەرزىمدەرى, جول قاۋىپسىزدىگى, اكىمشىلىك زاڭناما, ينتەرنەت-الاياقتىق, وتباسىلىق-تۇرمىستىق قاتىناستار جانە باسقا دا ماسەلەلەر قىزىقتىردى», دەدى مينيسترلىك وكىلى.
ايانا توعانبەك
