جۇمىس بارىسىندا ەسكى جول الىنىپ, ونىڭ ورنىنا جاڭا رەلس-شپالدار توسەلەدى. بۇل ءۇشىن ارنايى جول تەحنيكالارى – بولشەكتەۋ جانە سالۋ كراندارى, تۇزەتۋ-قاعۋ-تەگىستەۋ, جولدى بىركەلكى ەتۋ ماشينالارى, امبەباپ قۇرال-سايماندارمەن جابدىقتالعان پلاتفورمالار پايدالانىلادى.
بيىلدىققا نەگىزىنەن تۇركى-ستان, پاۆلودار, قاراعاندى, قوستاناي, قىزىلوردا, اتىراۋ, ماڭعىستاۋ بولىمشەلەرىنىڭ ماگيسترالدىق جەلىلەرىن بۇتىندەپ شىعۋ كوزدەلىپ وتىر. بۇعان دەيىن تۇركىستان وبلىسىنداعى جۇمىستىڭ قالاي ءجۇرىپ جاتقانى جانە شىمكەنت ماگيسترالدىق جەلى بولىمشەسىنە قاراستى شاعىر – تالدىقۇدىق ارالىعىنداعى شويىن جولدىڭ قالاي جوندەلىپ جاتقانى تۋرالى جان-جاقتى اقپارات بەرىلگەن-ءدى.
جالپى, «قازاقستان تەمىر جولى» ۇك» اق تەمىر جول ماگيسترالدارىن جوسپارلى تۇردە جىل سايىن جوندەۋدەن وتكىزىپ تۇرادى. بۇل قارەكەت ەڭ اۋەلى قاۋىپسىزدىكتى ساقتاۋ ءۇشىن قاجەت.
