پارتيا فراكتسياسىنىڭ وتىرىسى

«اق جول» قدپ فراكتسياسىنىڭ كەزەكتى وتىرىسىنا قازاقستان حالقى اسسامبلەياسىنان تاعايىندالعان دەپۋتاتتار ە.كاپپەل, ن.نەستەروۆ, ز.ساياپوۆا, يۋ.تيموششەنكو قاتىستى. وتىرىس وڭىردەگى پارتيا فيليالدارىنىڭ قاتىسۋىمەن بەينەكونفەرەنتسيا بايلانىسى رەجىمىندە ءوتتى. وسى جىلدىڭ 28 ناۋرىزىندا وسى دەپۋتاتتىق توپپەن جانە فراكتسيا اراسىندا ىنتىماقتاستىق تۋرالى مەموراندۋمعا قول قويىلعاننان كەيىن, قازاقستان حالقى اسسامبلەياسىنان تاعايىندالعان ءماجىلىس دەپۋتاتتارى «اق جول» فراكتسياسىنىڭ وتىرىستارىنا قاتىسۋعا شاقىرىلعان بولاتىن. قازاقستان حالقى اسسامبلەياسى, زاڭ­شى­عا­رۋشىلىق جۇمىستى قوسا العاندا, ەلى­مىزدىڭ قوعامدىق ومىرىنە بار­لىق ۇلىس پەن ۇلت وكىلدەرىنىڭ قاتى­سۋىن قام­تاماسىز ەتەتىن بىرەگەي ينستيتۋت. «اسسامبلەيادان تاعايىندالعان دەپۋ­تات­تاردىڭ پارتيادان تىس مارتەبەسى ولار­عا ساياسي جاعداياتتاردى ەمەس, پاراساتتى وي جانە جەكە كوزقاراستارىن باس­شى­لىققا الۋعا مۇمكىندىك بەرەدى, بۇل قازىرگى كوپپارتيالى پارلامەنتتە وتە ماڭىزدى. قحا-دان تاعايىندالعان دەپۋتاتتار ءدال وسى قاعيداتتى نەگىزگە الا وتىرىپ, ءبىزدىڭ ۇسىنىستارىمىزدى قولداعاندارى جايلى مىسالدار جەتكىلىكتى», – دەپ اتاپ ءوتتى دە­مو­كراتيالىق فراكتسيانىڭ توراعاسى ازات پەرۋاشەۆ. وتىرىس بارىسىندا دەپۋتاتتىق ساۋال­داردى ءبولۋ جانە ماتىندەرىن بەكى­تۋ, كەلەسى پلەنارلىق وتىرىسقا ساۋال­داردىڭ تاقىرىبىن بەكىتۋ, بىرقاتار زاڭ جوبالارى بويىنشا دەپۋتاتتاردىڭ ۇستانىمدارىن كەلىسۋ, 2-وقىلىمدا تالقىلاۋعا شىعارىلاتىن قىلمىستىق كودەكس, قىلمىستىق جولمەن الىنعان كىرىستى زاڭداستىرۋعا قارسى ارەكەتتەر جونىندە جانە ت.ب. فراكتسيا جۇمىسىنىڭ اعىمداعى ماسەلەلەرى قارالدى. «اق جول» قدپ وك پرەزيديۋمىنىڭ مۇشەسى ءبورىحان نۇرمۇحامەدوۆ پار­تيانىڭ جاڭا باعدارلاماسى جوباسىنىڭ دايىندىعى تۋرالى حابارلادى, ول جوبانى ازىرلەۋ بويىنشا جۇمىس توبىنا جەتەكشىلىك ەتەدى. ورتالىق كەڭەستىڭ حاتشىسى ابدىرازاق سۇلتانوۆ دەپۋتاتتاردى جانە فيليالداردى باعدارلاما جوباسىن تالقىلاۋ بويىنشا وك پلەنۋمى وسى جىلعى 26 ساۋىردە الماتى قالاسىندا وتەدى دەپ حابارلادى. وتىرىس بارىسىندا بەينە-بايلانىس ارقىلى «اق جول» قدپ مۇشەلەرى جانە قوستاناي, شىعىس قازاقستان, وڭتۇستىك قازاقستان وبلىستارىنان جانە الماتى قالاسىنان فيليال جەتەكشىلەرى ءسوز سويلەدى. سويلەۋشىلەردىڭ اراسىندا قازاق, ورىس, ينگۋش, ۋكراين جانە وزگە ۇلت وكىلدەرى دە بولدى. دەموكراتيالىق پارتيانىڭ باس­شى­لىعى قازاقستان حالقى اسسامبلەياسىنان ءارىپ­تەستەرىنە الداعى ۋاقىتتا شاقىرۋدى كۇت­پەي, فراكتسيانىڭ كەزەكتى وتىرىس­تارى­­نا ۇدايى كەلىپ قاتىسۋلارىن ۇسىن­دى. «ەگەمەن-اقپارات».