«سولتۇستىك-باتىس تسيكلونىنىڭ اسەرىنەن قازاقستاننىڭ باسىم بولىگىندە ءالى دە تۇراقسىز اۋا رايى ساقتالادى, نايزاعايمەن جاڭبىر, سولتۇستىك-باتىستا قاتتى جاڭبىر جاۋادى. تەك ەلدىڭ وڭتۇستىگى مەن ورتالىعىندا جاۋىن-شاشىنسىز اۋا رايى بولادى. رەسپۋبليكا بويىنشا جەلدىڭ كۇشەيۋى, سولتۇستىكتە, سولتۇستىك-باتىستا, وڭتۇستىك-شىعىستا داۋىل, بۇرشاق, وڭتۇستىكتە, وڭتۇستىك-باتىستا شاڭدى داۋىلدار, سولتۇستىك-باتىستا, شىعىستا تۇمان ساقتالادى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, اقمولا وبلىسىنىڭ باتىسىندا, سولتۇستىگىندە, وڭتۇستىگىندە نايزاعاي ويناپ, بۇرشاق جاۋادى, جەل 15-20, ەكپىنى 25 م/س كۇشەيەدى.
كۇندىز الماتى وبلىسىنىڭ تاۋلى اۋداندارىندا نايزاعاي ويناپ, جەل كۇشى 15-20, جالاڭاشكول اۋدانىندا ەكپىنى 24-29 م/س كۇشەيەدى.
جامبىل وبلىسىنىڭ تاۋلى اۋداندارىندا نايزاعاي ويناپ, بۇرشاق جاۋىپ, داۋىل سوعادى, تاڭەرتەڭ جانە كۇندىز وبلىستىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا جەل 15-20 م/س كۇشەيەدى.
قوستاناي وبلىسىنىڭ باتىسىندا, سولتۇستىگىندە, شىعىسىندا نايزاعاي ويناپ, بۇرشاق جاۋىپ, داۋىل سوعادى, تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى.
اقتوبە وبلىسىنىڭ باتىسىندا, سولتۇستىگىندە نايزاعاي ويناپ, بۇرشاق جاۋادى, وبلىستىڭ شىعىسىندا, سولتۇستىگىندە جەل 15-20 م/س كۇشەيەدى.
سولتۇستىك قازاقستان وبلىسىنىڭ باتىسىندا, سولتۇستىگىندە نايزاعاي ويناپ, داۋىل سوعادى, جەل وبلىستىڭ وڭتۇستىك-شىعىسىندا تۇندە 15-20 م/س, كۇندىز 15-20, ەكپىنى 23-28 م/س كۇشەيەدى.
كۇندىز پاۆلودار وبلىسىنىڭ سولتۇستىگىندە نايزاعاي ويناپ, بۇرشاق جاۋادى, جەل 15-20 م/س كۇشەيەدى.
كۇندىز ماڭعىستاۋ وبلىسىنىڭ باتىسىندا نايزاعاي ويناپ, وبلىستىڭ وڭتۇستىگىندە جەل 15-20 م/س كۇشەيەدى, شاڭدى داۋىل سوعادى.
تۇندە شىعىس قازاقستان وبلىسىنىڭ شىعىسىندا, وڭتۇستىگىندە نايزاعاي ويناپ, تۇمان تۇسەدى, جەل 15-20 م/س كۇشەيەدى.
كۇندىز قىزىلوردا وبلىسىنىڭ سولتۇستىگىندە جەل 15-20 م/س كۇشەيەدى, شاڭدى داۋىل سوعادى. باتىس قازاقستان وبلىسىنىڭ سولتۇستىگىندە, شىعىسىندا, وڭتۇستىك-شىعىسىندا نايزاعاي وينايدى, كۇندىز وبلىستىڭ باتىسىندا, شىعىسىندا جەل 15-20 م/س كۇشەيەدى.
تۇندە اتىراۋ وبلىسىنىڭ سولتۇستىگىندە, شىعىسىندا نايزاعاي وينايدى, كۇندىز وبلىستىڭ سولتۇستىگى مەن ورتالىعىندا جەل 15-20 م/س كۇشەيەدى.
كۇندىز قاراعاندى وبلىسىنىڭ باتىسىندا جەل 15-20 م/س كۇشەيەدى.
