حالىق قالاۋلىسى اۋدان اكتيۆىمەن جۇزدەسىپ, «قازاقستان رەسپۋبليكاسى كونستيتۋتسياسىنا وزگەرتۋلەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى تۋرالى اڭگىمەلەپ بەردى. ءسوز اراسىندا تۇزەتۋلەردىڭ ءبىر بولىگى بيلىك وكىلەتتىكتەرىن قايتا بولۋگە جانە ەل پارلامەنتىنىڭ ءرولىن كۇشەيتۋگە باعىتتالاتىندىعىن ەگجەي-تەگجەيلى باياندادى. ماسەلەن, ەل پرەزيدەنتىنىڭ ەشبىر ساياسي پارتيانىڭ مۇشەسى بولمايتىندىعى, ال, ونىڭ تۋىستارىنىڭ ساياسي مەملەكەتتىك قىزمەتشىلەر نەمەسە كۆازيمەملەكەتتىك سەكتور سۋبەكتىلەرىنە باسشىلىق جاساۋعا قۇقىعى جوق ەكەندىگى دە ايتىلدى. تاعى ءبىر تۇزەتۋدە قازاقستاننىڭ جەرى مەن جەر قويناۋىنداعى قازبا بايلىقتىڭ مەنشىك قۇقىعى حالىققا تيەسىلى بولماق. ال مەملەكەت مەنشىك قۇقىعىن حالىق اتىنان جۇزەگە اسىراتىن بولادى.
كەزدەسۋ بارىسىندا ناتاليا دەمەنتەۆا كونستيتۋتسياعا ەنگىزىلەتىن وزگەرىستەر وڭىرلەردەگى اكىمدەردىڭ, بارلىق دەڭگەيدەگى حالىق قالاۋلىلارىنىڭ جاۋاپكەرشىلىگىن كۇشەيتۋگە, ازاماتتاردىڭ قۇقىقتارىن قورعاۋ سالاسىن نىعايتۋعا ىقپال ەتەتىندىگىنە توقتالدى. دەپۋتات اتاپ وتكەنىندەي, بارلىق تۇزەتۋلەر ساياسي جۇيەنى دەموكراتيالاندىرۋعا باعىتتالماق. تۇزەتۋلەر تەرەڭ ماعىناعا جانە ۇلكەن مازمۇنعا يە. سوندىقتان ءاربىر ازامات داۋىس بەرۋگە قاتىسىپ, ەلدىڭ ودان ءارى دامۋى ءۇشىن ءوز تاڭداۋىن جاساعاندارى ابزال.
ناتاليا دەمەنتەۆا «قوعامدىق كەلىسىم» مەكەمەسىنىڭ ديرەكتورى ەرمەك نۇعىمانوۆپەن بىرگە اۋداندىق اۋرۋحانا ۇجىمىمەن دە وسى مازمۇنداعىداي كەزدەسۋ وتكىزىپ, مەديتسينا قىزمەتكەرلەرىنىڭ سۇراقتارىنا جاۋاپ بەردى.
اقمولا وبلىسى
