باق جانە اقپارات سالاسىنداعى ىنتىماقتاستىقتى ودان ءارى نىعايتۋ مەن دامىتۋ ماسەلەلەرى تالقىلانعان بۇل شاراعا تۇركى مەملەكەتتەرى ۇيىمىنىڭ باس حاتشىسى باعداد امىرەەۆ, حالىقارالىق تۇركى اكادەمياسىنىڭ پرەزيدەنتى دارحان قىدىرالى, تۇركيا رەسپۋبليكاسى پرەزيدەنتى اپپاراتىنىڭ كوممۋنيكاتسيالار باسقارماسىنىڭ باسشىسى, پروفەسسور فاحرەتتين التۋن, ازەربايجان رەسپۋبليكاسى پرەزيدەنتىنىڭ كومەكشىسى, پرەزيدەنتى اكىمشىلىگىنىڭ سىرتقى ساياسات ءبولىمىنىڭ باسشىسى حيكمەت گادجيەۆ, وزبەكستان رەسپۋبليكاسى پرەزيدەنتىنىڭ اكىمشىلىگى جانىنداعى اقپارات جانە بۇقارالىق كوممۋنيكاتسيالار اگەنتتىگىنىڭ ديرەكتورى اسادجون حودجاەۆ, ماجارستاننىڭ ساياسي قاۋىپسىزدىك جونىندەگى مەملەكەتتىك حاتشىسى پيتەر ستساراي, قىرعىز رەسپۋبليكاسى مادەنيەت, اقپارات, سپورت جانە جاستار ساياساتى مينيسترلىگىنىڭ وكىلى سالكىم سارنوگوەۆا, تۇرىكمەنستاننىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى يشانكۋلي امانليەۆ جانە وزگە دە مەديا سالاسىنىڭ وكىلدەرى قاتىستى.
حالىقارالىق دەڭگەيدەگى شارانىڭ نەگىزگى ءبولىمى تۇرلى تاقىرىپتىق پانەلدىك سەسسيالار جانە پلەنارلىق وتىرىستار ۇيىمداستىرىلدى.
القالى جيىن بارىسىندا اكادەميا باسشىسى د. قىدىرالى تۇركى الەمى مەدياكەڭىستىگىنىڭ ءوزارا ىنتىماقتاستىعى تۋرالى بايانداما جاسادى.
سونىمەن قاتار, كەلەلى باسقوسۋ اياسىندا اكادەميا باسشىسى د. قىدىرالى تۇركيا رەسپۋبليكاسى پرەزيدەنتى اپپاراتىنىڭ كوممۋنيكاتسيالار باسقارماسىنىڭ باسشىسى, پروفەسسور فاحرەتتين التۋنمەن جانە ازەربايجان رەسپۋبليكاسى پرەزيدەنتىنىڭ كومەكشىسى, پرەزيدەنتى اكىمشىلىگىنىڭ سىرتقى ساياسات ءبولىمىنىڭ باسشىسى حيكمەت گادجيەۆپەن ارنايى كەزدەسۋلەر وتكىزدى.
كەزدەسۋدە تاتاراپتار باۋىرلاس ەلدەر اراسىنداعى ەكى ەل اراسىنداعى اقپارات جانە باق سالاسى بويىنشا ءوزارا ىنتىماقتاستىق, قوعامدىق ديپلوماتيا سالاسىندا بىرلەسكەن جۇمىس جۇرگىزۋ مەن تاجىريبە الماسۋ ماسەلەلەرىن تالقىلادى.
