ء«بىز قازاقستانداعى رەفورمالاردى جانە الداعى رەفەرەندۋمدى قولدايمىز. رەفەرەندۋم ناتيجەلەرى تۋرالى جاقىندا بىلۋگە قۋانىشتىمىز», دەپ اتاپ ءوتتى كورولدىك ادۆوكات جانە ادۆوكاتتار قاۋىمداستىعىنىڭ ءتورايىمى فەليسيتي كاللەن.
بريتاندىق زاڭگەرلەرگە پرەزيدەنت قاسىم-جومارت توقاەۆتىڭ قازاقستان حالقىنا جولداۋىندا ايتىلعان ساياسي رەفورمالار تۋرالى اقپارات ۇسىنىلدى.
بريتاندىق ساراپشى-قۇقىقتانۋشىلار جاڭا قازاقستاندى قۇرۋعا باعىتتالعان رەفورمالاردى وڭ باعالاپ, ولاردىڭ تابىستى ىسكە اسىرىلۋى رەسپۋبليكانى جاڭعىرۋدىڭ جاڭا دەڭگەيىنە جەتكىزەتىنىن اتاپ ءوتتى. ساراپشىلار القابيلەر سوتى تۋرالى ماسەلەگە توقتالىپ, مۇنداي تاجىريبە كوپتەگەن عاسىرلار بويى اعىلشىن جالپى قۇقىق جۇيەسىندە بولعانىن مالىمدەدى.
ء«بىزدىڭ ويىمىزشا, القابيلەر نەعۇرلىم كوپ ءىستى قاراستىرسا, سوعۇرلىم جاقسى بولادى. بۇل نوۆەللا قازاقستاندا ەنگىزىلگەنىنە قۋانىشتىمىز جانە جاڭا جۇيەدەگى پروگرەسستى قاداعالايتىن بولامىز», دەدى ساراپشى.
ول سونداي-اق, سوت پروتسەستەرىن ونلاين-ترانسلياتسيالاۋ اشىقتىققا جانە ازاماتتاردىڭ سوت جۇيەسىنە دەگەن سەنىمىنە اكەلەتىنىن اتاپ ءوتتى.
