ولار «باستاۋ بيزنەس» باعدارلاماسى بويىنشا وقىپ, گرانت الىپ, ءوز ءىسىن اشقان. جۇمىستارىن ۇيدەن اتقارادى جانە ولاردىڭ قىزمەتتەرى جوعارى سۇرانىسقا يە.
«بىزدە وبلىستا 16 مىڭ كوپ بالالى انا بار, قاراعاندى بويىنشا – 4700. «شاڭىراق» ورتالىعى تەگىن زاڭگەرلىك جانە پسيحولوگيالىق كەڭەس بەرەدى. ءوز بەتىنشە تابىس تابۋعا ۇيرەتۋ ءۇشىن شەبەرلىك ساباقتارىن وتكىزەمىز», دەدى قاراعاندى وبلىسى قازاقستان حالقى اسسامبلەياسى انالار كەڭەسىنىڭ ءتورايىمى ءلاززات قوجاحمەتوۆا.
كاسىپكەرلەر ءوز ونىمدەرىن كورسەتتى, ولاردىڭ ىشىندە اسپازدىق ونىمدەر, ۇلتتىق كيىمدەر جانە ت. ب. بولدى.
ۇيىم بەلسەندىلەرى باعدارلامانى جەتىلدىرۋ بويىنشا ءوز ۇسىنىستارىن ءبىلدىردى.
ەرالى توعجانوۆ اتالعان باستامالارعا وڭ باعا بەردى.
ء«بىز بۇگىن قاراعاندى وبلىسىنا حالىقتىڭ تابىسىن ارتتىرۋ باعدارلاماسىن جۇزەگە اسىرۋ اياسىندا كەلدىك. وڭىردە جۇمىس جۇرگىزىلىپ جاتىر. ماڭىزدى الەۋەت بار. ءبىز رەسپۋبليكا كولەمىندە كەڭەيتۋگە تۇرارلىق ناقتى مىسالداردى كوردىك. بۇل ورتالىق الەۋمەتتىك كومەك كورسەتىپ قانا قويماي, تۇراقتى تابىس تابۋعا مۇمكىندىك بەرەدى. مۇنداي باستامالاردى دامىتىپ, قولداۋ قاجەت», دەپ اتاپ ءوتتى ۆيتسە-پرەمەر.
