العاشقى ءدان ەگىلە باستادى

قىزىلوردا قالاسىنا قاراستى قاراۋىلتوبە دەگەن اۋىل بار. مۇندا كەڭەس زاما­نىنىڭ كەزىن­دە 5 مىڭ گەكتار جەر اۋىل شا­رۋاشىلىعىن دامىتۋعا قولايلى مە­كەن رە­تىندە قۇرىلىپ, جوس­پار­لى جۇمىس ءجۇر­گەن ەكەن. ال ءبۇ­گىندە «قازاقكۇ­رىش» عى­لىمي-زەرت­تەۋ ينستيتۋتى اتال­عان ايماقتا ءداندى دا­قىلدار ەگىپ, تاجىريبە جۇ­مىستارىن جۇرگىزىپ جاتىر. ينستيتۋت قاراماعىنا بەرىلگەن 1200 گەكتار جەردە كوكتەمگى ەگىس جۇ­مىستارىنا دايىندىق باس­تالىپ كەتتى. ەگىستىك القابىنىڭ 500 گەكتارىنا كۇرىش, 492 گەكتارى­نا جوڭىشقا ەگىلەتىن بولسا, 100 گەكتار جەرگە عىلىمي-زەرتتەۋ جۇ­مىس­تارى جۇرگىزىلەدى. قازىردىڭ ءوزىن­دە ارپا, بيداي, تارى سەكىلدى ءدان­دى دا­قىلدار كوگەرىپ, كوكتەپ, ءوسىپ كە­لەدى. ال, قازىر القاپتا جو­ڭىش­­قا ەگۋ جۇمىستارى ءجۇرىپ جاتىر. ينستيتۋت قۇرامىنداعى مالا­زىقتىق داقىلدار سەلەكتسياسىنىڭ مەڭگەرۋشىسى ل.توحەتوۆا جالپى ەگىستىك داقىلدارىنىڭ وزگە ەلدەردەن اكەلىنگەن جانە جەرگىلىكتى ءۇش مىڭداي سورتى بار ەكەنىن ايتادى. بيىل­عى ەگىستىك ناۋقانىندا 2 سورت تاجىريبەدەن وتكىزىلمەك. سو­نىمەن قاتار, «شاحريستان ياچمين» ءدانىنىڭ جاڭا ءتۇرى ويلاپ تابىلعان. عالىمنىڭ ايتۋىنشا, بۇل ءداندى داقىل «وسىمدىكتەر بيولوگياسى جانە بيوتەحنولوگياسى» ينستيتۋتىمەن بىرلەسە وتىرىپ شىعارىلعان. سونداي-اق, بيىلعى ەگىستىك ناۋقانىنا قورقىت اتا اتىنداعى مەملەكەتتىك ۋنيۆەرسيتەتىنىڭ اگرونوميا ماماندىعىنىڭ 2-كۋرس ستۋ­دەنتتەرى تارتىلعان. ولار بۇل جەردە العان بىلىمدەرىن تاجىريبەمەن ۇش­تاستىرادى. ەرجان بايتىلەس, «ەگەمەن قازاقستان». قىزىلوردا وبلىسى.