جيىن ۇجىمدىق قاۋىپسىزدىك شارتىنا قول قويىلعانىنا 30 جىل جانە ۇقشۇ قۇرىلۋىنا 20 جىل تولۋىنا ارنالىپ وتەدى. وعان ۇيىمعا مۇشە ەلدەردىڭ باسشىلارى قاتىسادى دەپ جوسپارلانعان.
2022 جىلى ۇجىمدىق قاۋىپسىزدىك شارتى ۇيىمىنا ارمەنيا رەسپۋبليكاسى توراعالىق ەتۋدە.
ايتا كەتسەك, ۇجىمدىق قاۋىپسىزدىك تۋرالى شارتقا (ۇقت) 1992 جىلعى 15 مامىردا تاشكەنتتە قول قويىلدى. 2002 جىلعى 14 مامىردا ۇجىمدىق قاۋىپسىزدىك كەڭەسىنىڭ ماسكەۋدە وتكەن سەسسياسىندا ۇجىمدىق قاۋىپسىزدىك تۋرالى شارتقا قاتىسۋشى مەملەكەتتەر اراسىنداعى ىنتىماقتاستىقتىڭ تەتىكتەرى مەن قۇرىلىمدارىن حالىقارالىق ايماقتىق ۇيىم – «ۇجىمدىق قاۋىپسىزدىك شارت تۋرالى ۇيىمعا» وزگەرتۋ, وعان ءتيىستى مارتەبە بەرۋ تۋرالى شەشىم قابىلدادى. 2003 جىلعى 18 قىركۇيەكتە ۇقشۇ جارعىسى ءوز كۇشىنە ەندى.
ۇجىمدىق قاۋىپسىزدىك شارت ۇيىمىنا ارمەنيا, بەلارۋس, قازاقستان, قىرعىزستان, رەسەي, تاجىكستان كىرەدى.
