ءباسپاسوز قىزمەتىنىڭ دەرەكتەرىنە قاراعاندا, قر قارجى مونيتورينگى اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا كوممۋنالدىق قىزمەتتەرگە تاريفتەردى قالىپتاستىرۋعا اسەر ەتەتىن نەگىزسىز شىعىنداردى انىقتاۋ بويىنشا جۇمىس جۇرگىزىپ جاتىر.
وسىعان قاراي 16 كاسىپورىن مەن 2 لاۋازىمدى تۇلعاعا قاتىستى جۇرگىزىلگەن كەشەندى جۇمىستاردىڭ ناتيجەسىندە جىلۋمەن, ەلەكترمەن, سۋمەن جانە گازبەن قامتۋ سالاسى بويىنشا 21 سوتقا دەيىنگى تەرگەپ-تەكسەرۋ جۇمىستارى باستالدى.
«بۇگىنگى تاڭدا اتالعان ىستەردىڭ بارلىعى بويىنشا كەلتىرىلگەن 5,5 ملرد تەڭگەگە زالال وتەلدى جانە 1,9 ملرد تەڭگەنىڭ مۇلكىنە توقتام سالىندى»,-دەلىنگەن حابارلامادا.
ماسەلەن, اتىراۋ وبلىسىندا قۇلسارى قالاسى مەن جاڭا قاراتون كەنتىندەگى جىلۋ جەلىلەرىن, سۋ قۇبىرلارىن جانە كارىز قۇبىرلارىن جوندەۋ كەزىندە قارجى جىمقىرۋ, سونداي-اق ارتىق تولەم جاساۋ فاكتىلەرى بويىنشا ىستەر تەرگەلىپ جاتىر.
قما اۋماقتىق دەپارتامەنتىنىڭ جۇمىسىنىڭ قورىتىندىسى بويىنشا اتالعان ەلدى مەكەندەردەگى ەكى مونوپوليست ءتاريفتى تومەندەتۋ ماسەلەسى قايتا قارالدى:
- اتىراۋ قالاسىنداعى كوتەرمە گاز تۇتىنۋشىلارى ءۇشىن بيىلعى جىلدىڭ سوڭىنا دەيىن 17 مىڭ تەڭگەدەن 0 تەڭگەگە دەيىن 2,5 ملرد تەڭگە شىعىن وتەلدى;
- قۇلسارى قالاسى مەن جاڭا قاراتون اۋىلىنداعى قاراپايىم سۋ تۇتىنۋشىلارى ءۇشىن 30%-دان 40%-عا دەيىن.
اقمولا وبلىسىندا ليتسەنزياسىز قىزمەتپەن اينالىسۋ فاكتىسى بويىنشا ەنەرگيامەن جابدىقتاۋشى كومپانياعا قاتىستى ءىس تەرگەلاپ جاتىر.
قابىلدانعان شارالاردىڭ ناتيجەسىندە اتالعان ۇيىمنىڭ تاريفىنەن نەگىزسىز قارجى جيناۋ جۇمىستارىنا تىيىم سالىندى. بۇل ءاربىر ابونەنتكە اي سايىن 2,5 مىڭ تەڭگەگە دەيىن ۇنەمدەۋگە مۇمكىندىك بەردى.
ءدال وسى وبلىستا ءمونوپوليستتىڭ تەمىرجول تراسساسىن بەرگەنى ءۇشىن تاريف باعاسىن نەگىزسىز اسىرا باعالاۋ فاكتىسى انىقتالدى. كاسىپكەرلەردەن زاڭسىز ءوندىرىپ العان جالپى سوماسى 232 ملن تەڭگەنى قۇرادى. سوتقا دەيىنگى تەرگەۋ باستالدى, ونىڭ اياسىندا ءتيىستى ءتاريفتى تومەندەتۋ ماسەلەسى شەشىلەتىن بولادى.
وسىنداي زاڭ بۇزۋشىلىقتار اقتوبە, جامبىل, قىزىلوردا جانە ماڭعىستاۋ وبلىستارىندا دا انىقتالدى. بارلىق جاعدايلاردا تومەندەتىلگەن تاريفتەر ەنگىزىلدى نەمەسە قايتا ەسەپتەلدى.
«قارجىلىق مونيتورينگ اگەنتتىگى باعالار مەن تاريفتەردى نەگىزسىز كوتەرۋ فاكتىلەرىنىڭ الدىن الۋ بويىنشا جۇيەلى جۇمىستى جالعاستىرۋدا», دەلىنگەن ءباسپاسوز قىزمەتى تاراتقان اقپاراتتا.
