ايماقتار • 12 مامىر، 2022

الماتىدا ءتورت جاسار بالا شۇڭقىرعا قۇلاپ كەتتى

33 رەت كورسەتىلدى

الماتىدا 4 جاسار بالا شۇڭقىرعا جينالعان سۋعا قۇلاپ، كوز جۇمدى، دەپ حابارلايدى Egemen.kz.

جازاتايىم وقيعا 9 مامىر كۇنى الاتاۋ اۋدانى قاراسۋ ىقشام اۋدانىندا كارىز سورعى ستانتسياسىنىڭ قۇرىلىس جۇمىستارى ورنىندا بولعان.

«كارىز سورعى ستانتسياسىن ورناتۋ جۇمىستارىن الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ تاپسىرىسى بويىنشا مەردىگەر ۇيىمدار جۇرگىزگەندىگى انىقتالدى»، دەدى الماتى قالاسى الاتاۋ اۋدانىنىڭ پروكۋراتۋراسى.

پروكۋراتۋرا اتاپ وتكەندەي، قۇرىلىس جۇمىستارى 2021 جىلعى جەلتوقسان ايىندا اياقتالۋى ءتيىس ەدى، الايدا مەردىگەر ۇيىمدار بەلگىسىز سەبەپتەرمەن بەلگىلەنگەن مەرزىمدە وبەكتىنى ءتيىستى تۇردە تاپسىرماعان، ونىڭ ءمان-جايى انىقتالىپ جاتىر.

«بۇل فاكتى الاتاۋ اۋداندىق پوليتسيا باسقارماسىندا تىركەلدى. قازىرگى تاڭدا سوتالدى تەرگەۋ جۇرگىزىلىپ جاتىر. سوت-مەديتسينالىق ساراپتاما تاعايىندالدى. زاڭ اياسىندا جاۋاپتى ادامدارعا شارا قولدانىلادى»، دەدى پوليتسيا دەپارتامەنتىنىڭ رەسمي وكىلى سالتانات ازىربەك.

ايانا توعانبەك

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار