جاستاردىڭ الەم چەمپيوناتىندا ەكى بوكسشىمىز جەڭىسكە جەتتى

بۇگىن, 15 ءساۋىر كۇنى بولگاريانىڭ استاناسى – سوفيا قالاسىندا ءوتىپ جاتقان بوكستان جاستار اراسىنداعى الەم چەمپيوناتىنىڭ ەكىنشى كۇنگى ىرىكتەۋ ۇرىستارى بولىپ ءوتتى. بۇل تۋرالى ras.kz حابارلادى. قازاقستاندىقتار ساپىنان بۇل كۇنى ەكى بوكسشى رينگكە شىعىپ, ەكەۋى دە جەڭىسكە جەتتى. كەشكى سەسسيادا كۇش سىناسقان ولاردىڭ ەكەۋى دە جەڭىسكە جەتتى. سەسسيانى 56 كيلوداعى سۇلتان زاۋىربەك پەن بۋتاندىق تشەرينگ سامدرۋپ اراسىنداعى ۇرىس اشتى. وندا ءبىزدىڭ باعلان قارسىلاسىنان باسىم ءتۇستى. كەيىنىرەك 60 كيلوعا دەيىنگى سالماقتاعى ابىلايحان ءجۇسىپوۆ اقش-تىق وچواس يسيدرودان باسىم ءتۇستى. بۇل ەكى جىگىت تە ازيانىڭ تايلاندتا وتكەن سوڭعى چەمپيوناتىندا التىننان القا تاققان. بۇعان قوسا, ابىلايحان بىرىنشىلىكتىڭ ەڭ ۇزدىك بوكسشىسى اتانعان. ەسكە سالا كەتەيىك, كەشە چەمپيوناتتىڭ ءبىرىنشى كۇنىندە 52 كيلو سالماقتاعى ەرگەش ورازحان يتاليان ۆينچەنتسو كولەللانى 2:1 ەتىپ ۇتقان بولاتىن. ەرتەڭ, 16 ءساۋىر كۇنى قازاقستاندىقتار قاتارىنان ءۇش اتلەت شارشى الاڭعا شىعادى. اتاپ ايتقاندا, كۇندىزگى سەسسيادا  69 كيلوداعى راحات مىرجىقپاەۆ كورەيالىق جين-حۋن پاركپەن, كەشكى سەسسيادا 64 كيلوداعى ايان قالىبەكوۆ يرلاند ۋەين كەلليمەن قولعاپ تۇيىستىرەدى. ال قىزدار اراسىنان 60 كيلولىق نازىم ىقسانوۆا پولياك جۋستينا ۆالاسپەن كۇش سىناسادى. دامير قوجامقۇل. دەرەككوز: ras.kz. فوتو: ۆكونتاكتە.