«بيىلعى قاڭتار-ءساۋىر ايلارىندا قازاقستان ەكونوميكاسىنىڭ ءوسۋ قارقىنى 4,4% قۇرادى. نەگىزگى ترەندتەر بويىنشا ناقتى سەكتور ءوسىمنىڭ جەدەلدەۋى, ەكسپورت كولەمىنىڭ ۇدەمەلى ۇلعايۋى, قىزمەت كورسەتۋ سەكتورىنداعى تۇراقتى ديناميكا بايقالۋدا», دەدى ءا. قۋانتىروۆ ۇكىمەت وتىرىسىندا. ءمينيستردىڭ ايتۋىنشا, ناقتى سەكتورداعى ءوسىم 5,1%, قىزمەت كورسەتۋ سالاسىندا ىسكەرلىك بەلسەندىلىك 3,4%-كە دەيىن ۇلعايعان.
«سالالار اراسىندا ساۋدا, قۇرىلىس, كولىك جانە قويمالاۋ, اقپارات جانە بايلانىس, وڭدەۋ ونەركاسىبى, سۋمەن جابدىقتاۋ, تاۋ-كەن ءوندىرۋ ونەركاسىبى, اۋىل شارۋاشىلىعى وڭ ءوسىم كورسەتۋدە. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 2,3%-ءتى قۇرادى. تاۋ-كەن ءوندىرۋ ونەركاسىبىن ەسەپكە الماعاندا نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 0,7%-ءتى قۇرادى», دەدى ول.
ينۆەستيتسيالار ءبىلىم بەرۋدە – 87%-كە, مەملەكەتتىك باسقارۋ; الەۋمەتتىك قامسىزداندىرۋدا – 74,1%-كە, قۇرىلىس سالاسىندا – 61,9%-كە, عىلىمي جانە تەحنيكالىق قىزمەتتە – 53,7%-كە وسكەن.
وڭىرلەر اراسىندا ەڭ جوعارعى كورسەتكىش شىمكەنت قالاسىندا, اقمولا وبلىسىندا جانە الماتى قالاسىندا بايقالۋدا.
